Эшитдик-да! "Навбаҳор" – "Пахтакор" учрашуви бош ҳаками маълум
08 авг 2023 12:59
Новости

Эшитдик-да! "Навбаҳор" – "Пахтакор" учрашуви бош ҳаками маълум

10 август куни Наманганда Суперлиганинг 16-туридан ўрин олган "Навбаҳор" – "Пахтакор" баҳси бўлиб ўтади.

"Championat.asia" сайти маълумотига кўра, мазкур баҳсда Акобирхўжа Шукуруллаев бошчилигидаги ҳакамлар гуруҳи ишлаши кутилмоқда.

Маълумот учун, Шукуруллаев ўтган мавсум Суперлига доирасида бу жамоалар ўртасидаги иккала ўйинда ҳам бош ҳакам бўлганди. 2022 йил Тошкентда мезбонлар 1:0 ҳисобида ғалаба қозонишган, Наманганда 1:1 ҳисоби қайд этилганди.

Бу йил Шукуруллаев Суперлигада "Пахтакор" ва "Навбаҳор" иштирокидаги биттадан ўйинда бош ҳакам бўлди: "Лочинлар" ўз майдонида "Андижон"ни 1:0 ҳисобида таслим қилишди, "шерлар" эса ўз уйида "Бухоро"дан устун келишди – 1:0.