Эшитдик-да! Абрамовнинг лицензия муддати тугаган бўлиши мумкин
23 авг 2022 18:15
Новости

Эшитдик-да! Абрамовнинг лицензия муддати тугаган бўлиши мумкин

9 август куни "Динамо" (Самарқанд) Вадим Абрамовни бош мураббий сифатида таништирган эди.

Championat.asia'га маълум бўлишича, тажрибали мутахассис Про-дипломи бўйича лицензияни янгилаш учун малака оширмаган бўлиши мумкин. ЎзПФЛ шу тўғрида маълумот олиш учун ЎФА Мураббийлар таълими бошқармасига мурожаат қилган.

Орадан 15 кун ўтса ҳамки, ЎФА масъул бўлими Вадим Абрамовнинг Про-дипломи бўйича лицензияни янгилаш учун малака ошириш курсларини тугатгани бўйича аниқ маълумот бера олмаяпти.

Маълумот учун, Ўзбекистон миллий терма жамоасининг собиқ устозида Про-дипломи мавжуд. Бироқ унинг лицензия муддати тугаган ёки тугамаган деган саволга ЎФА Мураббийлар таълими бўлими аниқ жавоб тополмаяпти. Қизиқарли жиҳати, малака ошириш курслари айнан мана шу бўлиб томонидан ўтказилади.

Шу ўринда Карленовичнинг лицензияси бўйича хулоса ололмаган ПФЛ мутахассиснинг Про-курсларини тамомлагани бўйича сертификати асосида унга чемпионатда қатнашишга рухсат берган.

Эслатиб ўтамиз, "Динамо" 16 турдан кейин 7 очко билан мусобақа жадвалининг охирги поғонасида боряпти. Абрамов келганидан кейин жамоа "Сўғдиёна" ва "Қизилқум"га имкониятни бой берди.

Ссылка :

Источник : championat.asia

Получайте новости прямо в Telegram!

Рейтинг: -6