Эртага ЕЧЛ ярим финалига қуръа ташланади
23 апр 2015 11:51
Новости

Эртага ЕЧЛ ярим финалига қуръа ташланади

Эртага Европа чемпионлар лигаси ярим финалига қуръа ташлаш маросими бўлиб ўтади.

Тошкент вақти билан соат 15:00да бошланадиган тадбирда ярим финал жуфтликлари маълум бўлади.

Чорак финал якунларига кўра ярим финалда "Бавария" (Германия), "Барселона" (Испания), "Ювентус" (Италия) ва "Реал Мадрид" (Испания) клублари йўлланма олишди.

Қуръада ҳеч қандай чекловлар бўлмайди. Яъни исталган клуб исталган рақибга тушиши мумкин.

Қайси жамоа номи ёзилган шар биринчи бўлиб олинса ўша жамоа ярим финалдаги илк учрашувни ўз майдонида ўтказади. Дастлабки ўйинлар 5/6 май, жавоб баҳслари 12/13 май кунлари бўлиб ўтади.

Қуръа вақтида финалда қайси жуфтлик ғолиби номинал мезбон бўлиши ҳам аниқланади.

Финал учрашуви 6 июнь куни Берлиндаги "Олимпиаштадион" стадионда бўлиб ўтади.

Ссылка :

Источник : championat.asia

Получайте новости прямо в Telegram!

Рейтинг: