Эронлик ҳимоячи: "Бу баҳс сўнгги 7-8 йилдаги энг муҳим ўйинимиз бўлади"

"Бу ЖЧ-2018 йўлидаги энг қийин баҳслардан бири бўлади. Уларни жуда яхши биламиз ва икки ҳафта давомида Ўзбекистон терма жамоаси ўйинини таҳлил қилдик. Ҳаммамиз ижобий натижага умид қиляпмиз.

Сўнгги 4-5 йил давомида катта меҳнатни бажардик ва сафимизга қўшилган ёшлар, ҳозир тажрибали футболчиларга айланишган.

Жамоа тайёр, ҳимояда ишончли ва кучли ўйнаймиз. Биз эришишни истаган даражага етдик.

Сўнгги жаҳон чемпионатига тўхталадиган бўлсак, мундиалдаги иштирокимиз фаолиятимиздаги энг яхши хотираларимиздан бири ҳисобланади. Агар бу жаҳон чемпионатига чиқа олсак, мухлисларимиз биздан гуруҳ босқичини муваффақиятли якунлашимизни исташади. Шу сабабли мундиалдаги асосий мақсадимиз гуруҳдан чиқиш ҳисобланади.

Бироқ бу ҳақда ЖЧ-2018 йўлланмасини қўлга киритгандан сўнг гапириш тўғри бўлади, чунки ҳозирча мундиал масаласини ҳал қилганимиз йўқ. Бу баҳс сўнгги 7-8 йилдаги энг муҳим ўйин бўлади, шу сабабли бор эътибор ушбу жангга қаратилади" - дейди Монтазори.