Эрик тен Хаг: "Ўтган мавсумда МЮни бирлаштира олгандик"

"Бу ерга ўзимнинг йўналишим билан - тўпни ушлаб туриш, МЮ ДНКсини бирлаштириш учун келгандим. Ўтган мавсумда барчасини бирлаштира олдик ва жуда-жуда яхши ўйин кўрсатдик.

Ҳужумларни дарвозамиз ёнидан бошлашни ва ҳар ўйинда шундай бўлишни истаймиз. Бироқ "Манчестер Сити" каби прессингни қаттиқ уюштирадиган жамоаларга қарши ўйинда тўпни олдинга тепиб юбориш яхшироқ вариант.

Имкониятларга эга бўляпмиз, бироқ ундан фойдаланиш қийин бўлмоқда. Бироқ ҳозир бизда имкониятлар чекланган, битта таркиб билан ўйнай олмаяпмиз. Ҳимоя тўртлигида футболчиларнинг етишмовчилигига дуч келяпмиз ва ҳар бир ўйинда ўзгаришлар қиляпмиз. Бу эса ривожланишга йўл бермаяпти.

Футболчилар ҳар бир ўйинга яхши кайфиятда келишяпти ва клубнинг стандартлари қандайлигини биламиз. Бунга ҳар куни риоя қилишимиз керак. Сўнгги кунларда иккита омадсиз ўйин ўтказдик, бироқ бундан чиқиб кета оламиз", - деди тен Хаг.