RU

Последние новости

05:02Клублар ўртасидаги ЖЧ. “Бавария“ чорак финалда. Бизни чорак финалда даҳшат учрашув кутмоқда  2 01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  1 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  3 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  177 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0

"Энергетик-БГУнинг мақсади чемпионлик эмас, футболчиларни кучли жамоаларга етказиб бериш" - Бобир Абдихолиқов билан интервью Новости

"Энергетик-БГУнинг мақсади чемпионлик эмас, футболчиларни кучли жамоаларга етказиб бериш" - Бобир Абдихолиқов билан интервью

Хабарингиз бор, яқинда Беларусь чемпионати баҳсларига якун ясалди.

Дониёр Абдуманнопов, Шаҳзод Убайдуллаев, Бобир Абдихолиқов тўп тепаётган "Энергетик-БГУ" мавсум якунларига кўра 16та жамоа орасида 13 ўринни эгаллади. Гарчи натижа яхши бўлмасада, жамоа ҳамюртларимиз учун яхшигина ўсишига хизмат қилмоқда, дея оламиз. Ушбу сўзларимизга Бобир Абдихолиқов ҳам қўшилган ҳолда ўз фикрлари билан ўртоқлашди. 


"Беларусь чемпионатидаги фаолиятимга келсак, биласиз Украинанинг "Руҳ" клубидан "Энергетик-БГУ"га келиб қўшилдим. Бунинг сабаби кўпроқ ўйин амалиётига эга бўлиш. Оптимал формага кириб олишим учун ҳам ушбу танловда тўхталдим. Жамоада футболчилар билан ишлайдиган мураббийлар юқори савияда",- дея гап бошлади ҳужумчи. 

- Александр Бельявский сайтимизга берган интервьюсида жамоада 8 нафарга яқин мураббий фаолият олиб бориши ва улар ўйинчиларнинг ҳолати бўйича ишлашларини таъкидлаганди...

- Тўғри. Масалан ҳужумчилар билан футболчилик фаолиятида "Шеффилд Юнайтед"да тўп тепган мураббий алоҳида иш олиб борди. Ҳар бир хатони тушунтирди, майда деталларгача эътибор берди. Машғулотми ёки ўйинми камчиликларимизни айтди. Менимча жамоаларда ҳужумчилар билан алоҳида мураббийлар ишлаши керак. Бу форвардларнинг ўсиши учун катта фойда беради. 

- "Энергетик-БГУ"да жисмоний ҳолатингизни қай даражада тиклай олдингиз? Бир йил аввалги билан солиштирганда бу борада ўзингизда қандай ўзгариш сездингиз?

- Клубда жисмоний ҳолатни яхшилашга кўпроқ эътибор берилар экан. Машғулотларда юкламалар кўп берилади. Масалан Ўзбекистон чемпионатида фақат мавсум бошидаги тикланиш жараёнида югурсак, Беларусь чемпионатида ҳар бир ўйиндан олдин югурамиз. Маҳсус режа асосида амалга оширилади. Менимча аста-секин ўзгариш бўляпти. 

- Жорий йилда жамоа турнир жадвалида пастки ўринни эгаллади. Лекин биламиз жамоа кўп футболчиларнинг юқори даражага олиб чиқиб, кучли клубларга қўйиб юбормоқда...

- Тўғри айтдингиз. Асосий вазифа футболчининг жисмоний ҳолатини юқори даражага олиб чиқиш. Агарда жисмоний ҳолат яхши бўлса, бошқа кучли жамоаларда ўзини кўрсатиши осонроқ кечади. Охирги ярим йилда жисмоний имкониятимни юқорига олиб чиқиш устида кўпоқ ишладим, десам тўғри бўлади. Чунки Европада тўп тепиш катта кучни талаб қилади. Юқорида таъкидладим "Энергетик-БГУ"да бунинг устида кўп ишладик. Ўйлайманки, келгусида ҳаммаси яхши бўлади.

- Кейинги режаларингиз қандай? 

- Ўйлаб кўриб бир қарорга келамиз. Чунки "Энергетик-БГУ"да ижарада ўйнадим. Мен шу йўлни танладим. Ўйлайманки, мен бу қийинчиликларни енгиб ўтаман. Футболда қийинчиликсиз бирор нарсага эришиб бўлмайди. 

 

Абдулазиз Искандаров суҳбатлашди

Рейтинг: +6   

Комментарии

championat.asia
< посмотреть последние новости
Яндекс.Метрика