Элит ОЧЛ. Машарипов плей-оффни нақд қилган "Ал Аҳли"га қарши, Ўрунов жамоаси эса "Ал Шорта" билан беллашади

Куннинг дастлабки қарама-қаршилиги "Персеполис" - "Ал Шорта". Ҳамюртимиз Остон Ўрунов жамоаси билан бирга Доҳага келган ва кечаги расмий машғулотда тўлиқ ҳаракат қилган. Ҳар иккала жамоа ҳам айни пайтда плей-оффга йўлланма берувчи 8таликка кирмаган.

10 очкога эга "Ал Васл" (БАА) уйда 4 очкоси бор "Ал Райян" (Қатар)ни қабул қилади.

Яна бир ҳамюртимиз Жалолиддин Машарипов ҳаракат қиладиган "Истиқлол" эса Саудия Арабистонида "Ал Аҳли" меҳмони бўлади. Таркибида Фирмино, Маҳрез, Кессие, Тоуни каби юлдузлари бор саудияликлар ўтган турда кейинги босқич масаласини ҳал қилиб бўлишган. Машарипов кечаги расмий машғулотда тўлиқ шуғулланган ва бугунги ўйинга тайёр.

Куннинг сўнгги қарама-қаршилигида Роналду бошчилигидаги "Ал Насср" Афиф етакчилигидаги "Ал Садд"ни меҳмон қилади.

Элит ОЧЛ

6-тур, 02.12.2024

19:00. "Персеполис" (Эрон) - "Ал Шорта" (Ироқ)

"Ҳамад бин Халифа стэдиум", Доҳа

21:00. "Ал Аҳли" (С.Арабистони) - "Истиқлол" (Эрон)

"Кинг Абдуллоҳ Спортс Сити стэдиум", Жидда

21:00. "Ал Васл" (БАА) - "Ал Райян" (Қатар)

"Забел стэдиум", Дубай

23:00. "Ал Насср" (С.Арабистони) - "Ал Садд" (Қатар)

"Кинг Сауд Юниверсити стэдиум", Риёд

Маълумот учун, "Пахтакор" жамоаси Элит ОЧЛдаги 6-тур учрашувини эртага, 3 декабрь куни "Жар" стадионида ОЧЛнинг амалдаги ғолиби "Ал Айн"га қарши ўтказади.

Кутилганидек Саудия Арабистонининг 3 клуби жадвалда етакчилик қилишмоқда. Улардан кейинги 4-поғонада кутилмаганда БААнинг "Ал Васл" жамоаси. "Пахтакор" ҳисобида бор йўғи 3 очко бор, лекин "шерлар"да плей-оффга чиқиш имкони сақланиб турибди.