Элдорбек Суюнов: "Муҳим ғалабани қўлга киритдик"
12 окт 2015 21:28
Новости

Элдорбек Суюнов: "Муҳим ғалабани қўлга киритдик"

"Насаф" - "Нефтчи" (1:0) учрашувидан сўнг жамоамиз посбони Элдорбек Суюнов ўйин ҳақидаги ўз фикрларини билдирди.

- Учрашув жуда қийин кечди. "Нефтчи" жамоаси ҳам кучли жамоалар сирасига киради. Бугун энг муҳими уч очкони қўлга киритдик. Жамоамиз сардори ва етакчиси Артур Геворкян бугун иштирок эта олмади. Биз барча жамоадошларимиз билан унинг йўқлигини билдирмасликка қўлдан келганча ҳаракат қилдик. Мухлисларга кутилган ўйинни тақдим этиб беролмадик. Ҳисоб 1:0га ўзгарганидан сўнг асосан натижа учун ўйнадик. Сабаби бизни жуда муҳим бўлган финал баҳси кутиб турибди. Иккинчи бўлимда финал ҳақида ўйлашни бошладик. Шунга қарамай, муҳим ғалабани қўлга киритдик. "Нефтчи" дарвозабони Евгений Черемесин бугун жуда яхши ўйнади ва жамоасини бир қатор вазиятларда голлардан қутқариб қолди.

Худо хоҳласа финалда мухлисларимизни қувонтиришга ҳаракат қиламиз ва бунинг учун барча кучни сарф этамиз.

Ссылка :

Источник : fcnasaf.uz

Получайте новости прямо в Telegram!

Рейтинг: +10