Элдор Шомуродов: “Пенальти ва ўйинни бошқариб борган ҳакам тўғрисида ҳеч нима дея олмайман”
01 мар 2017 11:36
Новости

Элдор Шомуродов: “Пенальти ва ўйинни бошқариб борган ҳакам тўғрисида ҳеч нима дея олмайман”

Кеча ОЧЛнинг гуруҳ босқичи 2-тур учрашувида Тошкентнинг “Бунёдкор” клуби БААнинг “Ал Айн” жамоасини қабул қилди ва 2:3 ҳисобида рақибларига мағлуб бўлди.

Ушбу баҳсдан сўнг “Бунёдкор” клуби ҳужумчиси Элдор Шомуродов ўз фикрларини билдирди.

“Ғалаба қозонадиган ўйинимизда мағлубиятга учрадик. Албатта, “Ал Айн”га қарши ўз уйимизда имкониятни бой бериб қўйганимиз жуда ҳам аламли. Насиб қилса кейинги учрашувда ғалаба қозонсак ҳаммаси яхши бўлади, деб ўйлайман. Мағлубиятга сабаб, қаердадир омад, қаердадир тажриба етишмади. Умумий оладиган бўлсак ўйинда барча футболчилар бирдек ҳаракат қилди. Пенальти ва ўйинни бошқариб борган ҳакам тўғрисида ҳеч нима дея олмайман. Уларни назорат қиладиганлар бор”, - дейди “Бунёдкор” клуби футболчиси Элдор Шомуродов.

Жаҳонгир Сотволдиев ёзиб олди.