Элдор Шомуродов: "Ўзбекистонлик футболчилар Европада қанча кўп ўйнашса, терма жамоага шунчалик яхши"

Қуйида унинг терма жамоага оид жавобларини тақдим этамиз.

Терма жамоадаги сардорлик
Бу мен учун катта аҳамиятга эга. Буни сўз билан таърифлаш қийин. Бунчалик эрта сардор этиб тайинлашлари ва терма жамоа учун бу қадар муҳим футболчи бўламан деб ўйламагандим. Ҳозир бизда авлодлар алмашмоқда, ёш ўйинчилар майдонга тушмоқда, мен катталар футболчи сифатида уларга ўрнак бўлишим керак, шунинг учун бу мен учун жуда муҳим.

Ўзбекистон ҳақида
Мен ватанимни жуда яхши кўраман. Мен учун мамлакат ҳам, Ўзбекистон терма жамоаси ҳам муҳим. Терма жамоага чақирилганимда ёки таътил пайтида юртимга бораман. Бошқа пайт эса бунинг учун вақтим етмайди. Ўзбекистон ва ота-онамни албатта жуда соғинаман.

А Серияда ўйнаган иккинчи ўзбекистонлик футболчи
Албатта бундан фахрланаман ва мамнунман. Лекин бизда бу даражада ўйнай оладиган футболчилар кўп. Мен уларнинг шу ерда тўп тепишларини жуда истардим. Мен имкон қадар кўпроқ ўйинчиларимизни Европада бўлишини истардим. Бу бутунлай бошқача футбол, бошқача тезлик. Бу ерда ўсиш учун кўп нарса мавжуд. Футболчиларимиз Европада қанча кўп ўйнашса, терма жамоага шунчалик яхши бўлади.

Элдор Шомуродов: "Конференция лигасида чемпион бўлмоқчиман"