Элдор Шомуродов: "Жамоамга фойда келтираётганимдан мамнунман"

"Бунёдкор"нинг ёш истеъдодли ҳужумчиси Элдор Шомуродов "Қизилқум" билан бўлиб ўтган учрашувдан сўнг сайтимизга қисқача интервью берди.

"Учрашув биз учун қийин бўлди. Муҳими ғалаба қозондик. Уч очкони қўлга киритганимиздан барчамиз хурсандмиз. Голларим? Аввало жамоага фойда келтираётганимдан мамнунман. Мен учун муҳими гол уришим эмас, балки жамоамнинг муваффақияти. "Бунёдкор" жамоаси ҳужум чизиғида рақобат жуда кучли. Агарда сал бўшашсам, унда асосий таркибдаги жойимни йўқотиб қўйишим мумкин. Ўзимни жойимни мустаҳкамлаш учун бор кучимни ишга соламан. "Бунёдкор" имкон қадар юқори ўринлардан бирини эгаллашга ҳаракат қилади. Муҳими, Осиё чемпионлар лигасига йўлланма берадиган ўринлардан бирини қўлга киритиш. Кейинги беллашув "Пахтакор" билан бўлади. Ўзбекистон кубоги мусобақаси ҳам биз учун муҳим саналади. Ушбу турнирда бош совринни ютиш вазифаси олдимизга қўйилган. Шу боисдан "Пахтакор" билан бўладиган баҳсга жиддий тайёргарлик кўрамиз", - дея ўз фикрларини билдирди Элдор Шомуродов.