Элдор Шомуродов: «Барселона» ва «Реал» мухлиси эмасман»

Хабарингиз бўлса керак термамиз мазкур тайёргарлик жараёнида кеча Иордания термасига қарши назорат баҳсида майдонга тушди ва кичик ҳисобда ғалабага эришди. Ана энди терма жамоамиз 15 ноябрь куни Сеулда корейсларга қарши майдонга тушади. Биз масъулиятли ўйин олдидан терма жамоамизнинг асосий футболчиларидан бири, «Бунёдкор» етакчиси Элдор Шомуродов билан қисқача суҳбат уютирдик. Суҳбат терма жамоамиз ўйини эмас, асосан футболчининг ўзи, ҳаёти ҳақида кечди.

- Футболга кандай кириб келгансиз?

- Муҳит сабаб. Оиламиздаги деярли барча футболга қизиқади. Дадам футбол уйнаган вақтларида буни кузатиб менда ҳам бу спортга қизиқиш пайдо бўлган.

- Ёшликдаги орзуларингизга эришдингизми?

- Албатта, ҳозирги ҳолатимни фақатгина орзу қилганман, лекин бу билан тўхтаб қолмоқчи эмасман.

- Саёхат қилган мамлакатларингиз ичидан сизга энг манзур бўлгани қайси?

- Будапешт.

- Осиёнинг энг яхши ёш футболчиси билан бирга тўпсурмоқдасиз у ҳақидаги фикрингиз қандай?

- Достон билан жудаям яқин дўстмиз. Жуда ҳазилкаш йигит ва яхши дўст.

- Мухлислар учун қизиқарли савол -« Барселона» ёки «Реал»?

- Аксинча «Челси» мухлисиман.

- Хориж футболидаги кумирингиз?

- Фернандо Торрес ва Дидиье Дрогбанинг уйинлари кўпрок ёқади.

- Хорижда қайси ченпионатда уйнашни орзу қиласиз,қайси клублардан таклифлар бўлди?

- Ҳозирча ҳеч қайси клублан таклиф тушгани йўқ, лекин кучлироқ ченпионатда уйнаш истагим бор.

Жалолиддин Қобилжонов суҳбатлашди.