Эктор Купер: "ЖЧ-2022га чиқиш учун кўп меҳнат қилиш лозим"
06 авг 2018 08:26
Новости

Эктор Купер: "ЖЧ-2022га чиқиш учун кўп меҳнат қилиш лозим"

Аргентиналик машҳур мураббий Эктор Купер бугун тонгда юртимизга етиб келди.

Ислом Каримов номидаги Тошкент халқаро аэропортида мутахассисни футбол жамоатчилиги кутиб олди. Купер аэропортнинг ўзидаёқ қисқа интервью беришга ҳам улгурди.

- Нима деб ўйлайсиз Ўзбекистон 2022 йилги Жаҳон чемпионатига чиқа оладими?
- Мен оптимистик руҳда бу ерга келдим. Насиб қилса албатта 2022 йил Қатарда ўтадиган мундиалга чиқамиз. Фақат бунинг учун кўп меҳнат қилиш керак.

- Ўзбекистон терма жамоаси ҳозир қандай даражада деб ўйлайсиз?
- Яхши формада дея оламан. Аммо албатта уни янада яхшилаш керак. Менга терма жамоа билан тўлиқ танишиб олиш учун маълум вақт керак бўлади, - дейди Эктор Купер.