Эдгар Гесс: "Қўқонда очко олганимиздан хурсандмиз"

"Менимча ўйин қизиқарли кечди. Қўқон анчагина кучли, тартибли жамоа. Жамоавий ўйин яхши чиқди. Бутун 90 дақиқа давомида томошабинлар ҳаяжонда ўтиришди", - дейди Эдгар Гесс.

"Ҳар бир ўйиндан олдин рақибнинг ўйинларини кўриб чиқамиз. Бизда махсус ишчи гуруҳ бор. Рақиблар ҳақида маълумот тўплаймиз. Ҳозир бизнинг жамоамиз янги тузилмоқда. Таркибимизда янги ва ёш футболчилар кўпчиликни ташкил қилади".

"Қўқон-1912" жамоасининг кучли томони қанот ярим ҳимоячиларида. Улар жамоанинг ҳужумларида катта роль ўйнайди.

Натижадан қониқдим. Бугун мавсумдаги илк очкони қўлга киритдик. "Андижон" сафардаги тўртинчи баҳсни сафарда ўтказди. Бу жуда қийин. Қўқонда очко олганимиздан хурсандмиз. Бу ерда кўпчлик жамоалар очко ололмайди деб ўйлайман.

"Қўқон-1912" жамоаси таркибида Сардор Эминов ва Носир Отақўзиев каби футболчилар ажралиб туришди. Ўз жамоамда эса якка ҳужумчи сифатида ҳаракат қилган Абдумалик Абдуллаевнинг ўйини ёқди. Лекин бутун жамоа бир куч бўлиб ўйнади.


Исломбек Рустамбеков ёзиб олди