RU

Последние новости

02:49Қозоғистон термаси матбуот котиби: "Ўзбекистонга кўчиб кетаман"  10 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  7 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   44 01:41Осиёда яна катта байрам: Иордания ўз тарихида илк бор ЖЧда иштирок этади  9 01:21ЖЧ-2026 саралаши. Бизнинг гуруҳдаги барча масала ҳал бўлди  15 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   35 00:46Аббосбек Файзуллаев: "Ҳиссиётларни тасвирлаб бера олмайман"  11 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  14 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  43 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41 22:4534 йиллик орзу ушалди! Ўзбекистон ЖЧда!  622

ЕЧЛ. "Манчестер Сити" ПСЖни мағлуб этиб, гуруҳдаги пешқадамликни ўзиники қилди Новости

ЕЧЛ. "Манчестер Сити" ПСЖни мағлуб этиб, гуруҳдаги пешқадамликни ўзиники қилди

Европа Чемпионлар лигасининг 5-туридан ўрин олган учрашув якунланди.

"Манчестер Сити" — ПСЖ 2:1

Гол: 0:1 – 50 Мбаппе, 1:1 – 63 Стерлинг, 2:1 – 76 Габриэл Жезус.

Манчестер Сити – Эдерсон, Уокер, Стоунз, Рубен Диаш, Жоау Канселу, Гюндоган, Зинченко (Габриэл Жезус, 54), Родри, Бернарду Силва, Стерлинг, Марез.

ПСЖ – Навас, Хакими, Маркиньос, Кимпембе, Мендеш (Керер, 67), Эррера (Данилу Перейра, 61), Гуйе (Ди Мария, 67), Паредес, Месси, Неймар, Мбаппе.

Огоҳлантиришлар: Родри (55), Жоау Канселу (80), Габриэл Жезус (90).


ЯНГИЛАШ


УЧРАШУВ ЯКУНЛАНДИ! "Манчестер Сити" ПСЖни мағлуб этиб, ўз гуруҳида 1-ўринни кафолатлади.

90+3. Неймарни тўхтатиб қолгани учун Жезус огоҳлантирилди.

90+1. Неймарнинг узатмасига Ди Мария етиб боролмади.

90. Иккинчи бўлимга 3 дақиқа қўшиб берилди.

89. Уолкерга нисбатан қўполлик ишлатилди.

88. ПСЖнинг ҳужуми ўхшамади, бунинг оқибатида мезбонлар қарши ҳужумга ўтиши мумкин эди, бироқ улар ҳам шошилмади.

83. ПСЖ ҳужум қиламан деб шошқалоқлик қилмоқда.

80. Канселу Мессини йиқитгани учун огоҳлантирилди.

76. ГООООООООООООООООЛЛЛЛЛЛЛЛЛЛЛЛЛ!!! Жезус мезбонларни олдинга олиб чиқмоқда. Ўнг қанотдан бошланган ҳужум чап қанотга кўчди ҳамда Бернарду Силванинг пасидан сўнг Жезус дарвозанинг ўнг бурчагини аниқ нишонга олди.


75. Ди Мария юқорига тепиш бўйича бугунги ўйин рекордини ўрнатди.

74. ЗАРБА! Неймар қулай ичкониятдан фойдалана олмади, рақиб посбони билан бирга-бир вазиятга чиқиб борган бразилиялик футболчи ноаниқ зарба берди.

70. ЗАРБА! Жезуснинг яқин масофадан чап оёқда йўллаган кучли зарбасидан сўнг Навас ўз маҳоратини кўрсатди. Баракалла, Кейлоржон!

67. ПСЖда ўзгаришлар: Гуйе ва Мендеш майдонни тарк этди, уларнинг ўрнига Ди Мария ва Эбимбе ўйинга қўшилди.

63. ГООООООООООООООООООООЛЛЛЛЛЛЛЛЛЛЛЛЛЛЛ!!! Стерлинг ҳисобни тенглаштирди. Родрининг ичкарига узатмасидан сўнг Уолкер марказга пас берди, Жезуснинг чалғитишидан сўнг очиқ турган Раҳим бўш қолган дарвозани ишғол қилди.

61. Данило Эррера ўрнига майдонга тушди.

60. Эррера жароҳатланган кўринади. Ўйинни давом эттира олмаслиги маълум бўлди. Данило унинг ўрнига тушишга тайёргарлик кўрмоқда.

57. Паредес яна жабрдийда ролида. Бу сафар Стерлинг унга шикаст етказди.

55. Паредесга нисбатан қўпол ўйнагани учун Паредес огоҳлантирилди.

54. "Сити"да ўзгариш: Зинченко ўрнига Жезус майдонга тушди.

50. ГОООООООООООООООООООЛЛЛЛЛЛЛЛЛЛ!!! Мбаппе!!! ПСЖнинг онда-сонда уюштирган ҳужуми голга айланди. Ҳужумда Месси катта ҳажмдаги ишни бажарди. Айнан унинг узатмасидан сўнг Килиан дарвозабоннинг оёқлари орасидан тўпни ўтказиб, ҳисобни очди.


47. Дастлаб Маркиньос Стерлингни йиқитди, кейин эса Стерлинг Маркиньосга жавоб қайтарди. Ҳакам иккала вазиятда ҳам ўйин қоидаси бузилмаганини қайд этди.

Иккинчи бўлим бошланди.

Биринчи бўлимдаги "Сити"нинг ҳужумлари мисоли сув каби

Биринчи бўлимга вақт қўшиб берилмади, танаффус.

45. Стерлингнинг зарбаси атиги 3 метрча юқоридан кетди.

44. ЗАРБА! Мбаппе чап қанотдан кучли айланма зарба йўллаганди, бироз ноаниқ кетди.

43. ПСЖ ўз ярим майдонидан нарига ўтолмай қолди.

40. Мессига алданган Канселу унга билмасдан тарсаки тушириб юборди.

38. Ҳакам ортга қайтаётган Эррерага халал бериб қолди. "Сити" эса ҳужум уюштиришда давом этмоқда. ПСЖда "юлдузли учлик" бор эди-я, адашмасам.

35. Мезбонлар кетма-кет ҳужум ташкил этиб, меҳмонларни қамал ҳолатига келтирмоқда.

34. Энди Марездан айлантирма зарба ва Навасдан сейв.

33. ЗАРБА! Гюндоганнинг кучли зарбаси "бум" этиб дарвоза тўсинига тегиб қайтди.

32. "Сити" футболчиси ҳакамни ҳам "ўзимиздан" деб ўйлаб, пас берди.

30. Прессинг оқибатида ПСЖ оддий вазиятда хатога қилишга мажбур бўлди.

Уйқу келса ҳам на илож

28. ХАВФЛИ ВАЗИЯТ! Яна комбинацион ўйин ва якунда Зинченконинг зарбасига ҳимоячилар блок қўйишди.

27. Мендеш чап қанотдан олдинга бориб, зарба йўллади, Эдерсонга бу қийинчилик туғдирмади.

26. Месси Ҳакимини олдинга бошлаганди, бироқ марокашлик футболчи тўпни йўқотди.

22. Родри Мбаппега нисбатан анча кескин ўйнади. Француз форварди оқсоқланганча ўрнидан қимирлади.

20. "Сити" ҳужумлари, асосан, ўнг қанотда, Марез орқали амалга ошмоқда. Унинг узатмасидан сўнг Гюндоган бош билан зарба йўллади, ноаниқ.

18. ЗАРБА! Тиниб-тинчимас Марез яна фаоллик намойиш этиб, хавфли зарба йўллади, бу ерда посбон вазифасини Ҳакими бажариб берди, у боши билан тўпни қайтарди. 

17. Неймар ўйиндан ташқари ҳолатда қолиб кетди.

16. Неймар Диашнинг зарбини "татиб кўрди".

13. Марез йиқилди, ҳакам эса жим бўлди.

10. Яна ўнг қанотда Марезнинг фаоллиги кўзга ташланди. Унинг Стерлингга узатмасини сўнгги лаҳзада Ҳакими олиб қўйди ва қарши ҳужум бошлади, бироқ ҳужум тезлиги кейинчалик сусайди.

8. "Сити" прессинг уюштирмоқда. Рақиб жарима майдонида қаршисида жамоанинг 5-6 футболчиси таъқиб қилмоқда.

5. ХАВФЛИ ВАЗИЯТ! Жарима зарбасидан сўнг Родри боши билан зарба йўллади, Кимпембе деярли чизиқдан тўпни қайтарди. Ҳисоб очилиши мумкин эди.

5. Марезга нисбатан қўполлик ишлатилди. Мезбонларда стандарт вазият юзага келди.

2. Марез ўнг қанотдан Гюндоганни олдинга бошлади, бироқ Илкай тўпга ета олмади.

1. Учрашувни ПСЖ футболчилари бошлаб берди.

Жамоалар майдонга чиқиб келишди.

Бугун уйқуга ўрин йўқ. Ҳатто мухлислар ҳам матнли трансляцияни кузатиб боришга шай

Бугунги учрашувни Даниэле Орсато бошчилигидаги италиялик ҳакамлар бригадаси бошқариб боради. Унга қанотларда Алессандро Жаллатини ва Фабьяно Прети ёрдам бериб боради. Тўртинчи ҳакам сифатида Лука Пайретто ишлайди.

Айни дамда гуруҳдаги вазият

1-турдаги жамоаларнинг ўзаро учрашувида Гуэй ва Мессининг голлари парижликларга 2:0 ҳисобидаги ғалабани тақдим этган.

Жамоалар 6 маротаба ўзаро куч синашган. Уладан тенг ярмида "шаҳарликлар"нинг қўли баланд келган, икки ўйин дуранг билан якунланган ва атиги бир баҳсда парижликлар зафар қучган.

Бугунги баҳсни мезбонлар таркибида Кевин де Брюйне, Ферран Торрес, Лиэм Делап ва Бенжамен Менди, меҳмонлардан эса Александр Летелье, Рафинья ҳамда Юлиан Дракслер ўтказиб юборади.


Ассалому алайкум, қадрли футбол ишқибозлари! Яқин икки соат давомида қизиқарли футбол гувоҳи бўламиз.

Рейтинг: +9   

Комментарии

championat.asia
< посмотреть последние новости
Яндекс.Метрика