ЕЧЛ. Бугунги тўқнашувлар учун превью

 Бу йилги мусобақа старти жуда кўп интрига ва ажойиб ўйинларга бой бўлади.

"Селтик” – "Реал Мадрид" (Тошкент вақти билан 00:00 да бошланади)

Тўрт йиллик танаффусдан сўнг мусобақанинг ушбу босқичига қайтишингизни яна қандай йўл билан нишонлаш мумкин! Тасаввур қилинг-а, қурьа ташлаш маросимидан сўнг ушбу учрашув чипталари баҳс бўлиб ўтадиган шаҳарда қанчалик оммабоп чиптага айланган! Бунинг сабаби эса охирги 9 мусобақанинг 5 тасида Кубокни ўз уйига олиб кетган "Реал Мадрид" ташриф буюради. Ўтган ойда меҳмондаги ўйинларда ўзининг энг катта ҳисоби – 9:0 ни "Данди Юнайтед"га қарши ўйинда қайд этган "Селтик" ҳафта охирида "Рейнжерс"га қарши дербида йирик 4:0 ҳисобида устун келди. Мана шу ўйинлар бахш этган ижобий кайфият "қироллик клуби"га қарши ўйинда мухлисларнинг қандайдир ижобий натижа кутишига кичик оптимизм кўрсатади.

"Ўйлайманки, биз уларни мағлуб эта оламиз", – дейди ўз нутқида Кёго Фуруҳаши.

Биласизми? 

"Реал" ҳеч қачон ЕЧЛ гуруҳ босқичида қолиб кетмаган.

"Динамо" Загреб – "Челси" (21:45)

Томас Тухелнинг "кўклар"и ўзларининг тўлиқ тайёр бўлмаган иккиланиб ўйнаётган таркиби билан Чемпионлар Лигасида мавсумни бошлаб олади. Улар борадиган манзиллар орасида осон ютса бўладиганлари ҳам бор. "Динамо"нинг танилган "ишлаб чиқариш" линияси ажойиб ёшларни етиштиришда давом этмоқда (ярим ҳимоячи Мартин Батуринани кузатиб туринг) ва ҳужум чизиғида ўзини исботлаган футболчилар шай. Айниқса, ўз уйида "модрилар" "Максимир" стадионида барча мусобақаларда 19 та ўйин ўтказиб, 16 та ғалаба ва 3 дуранг қайд этди.

Биласизми? 

"Челси" футболчиси Матео Ковачич фаолияти бошида "Динамо" либосида 6 йил ўйнаган. У 2010 йил жамоа футболчиси сифатида илк голини урганида 16 ёш-у 198 кунлик эди. 

"Севилья" – "Манчестер Сити" (00:00)

Эрлинг Ҳоланд аллақачон "Мольде", "Зальцбург" ва "Боруссия" Дортмунд жамоалари таркибида УЕФА клублари уртасидаги мусобақаларда 25 та ўйинда 27 бор тўп киритишга улгурган. У Англияга кўчиб ўтгач, гол уришга бўлган иштиёқи умуман камаймаганини кўрдик. "Севилья" ҳар доим Европада эътиборга олинадиган жамоа бўлиб келган. Ҳоланд ва унинг шериклари ёзги жўнаб кетишлардан сўнг ҳимоя чизиғини қайта ташкил қилган испан клубига қарши имкониятлардан фойдаланиб қолишга ҳаракат қилади.

Биласизми? 

Хосеп Гвардиола ўтган мавсумда Чемпионлар Лигасида ўзининг 9-ярим финалини ўтказди ва бу билан Жозе Моуриньюнинг кўрсаткичидан ўзиб кетди. 

"Боруссия" Д – "Копенгаген" (21:45)

"Копенгаген" жамоаси бош мураббийи Йесс Торуп: "Биз рақобатлашиш, мухлислар учун ажойиб ва эсда қоларли ўйин намойиш этиш учун шу ердамиз".

Жамоада "Боруссия"дан кучли чизиқлар деярли умуман йўқ. Машҳур "сариқ девор” қаршисида туриш чиндан машаққатли бўлади. Ўтган ойда "Вердер"га қарши ўйинда ютқазган "Боруссия" (89 дақиқагача 2:0 ҳисобида олдинда бораётганди). Ҳоландсиз ҳаётга аста-секин мослашиб бораётгандек. Касаллик ҳозирча немис клубини Себастьян Алледан маҳрум қилади, шу туфайли ёзги трансферлар чоғида жамоага жалб қилинган унинг ҳамкасби Карим Адейеми ўтган мавсумда "Зальцбург" билан гуруҳ босқичида илиқ таассурот қолдирган эди. 

Биласизми? 

"Копенгаген" ушбу мусобақанинг плей-офф босқичига чиққан Даниянинг ягона клуби ҳисобланади.

"Зальцбург" – "Милан" (00:00)

Адейеми ушбу ёзги "келди-кетдилар" давомида Австрия чемпионини тарк этган муҳим ўйинчилардан бири эди. Аммо унутмаслик керак – "Зальцбург" яхши ёғланган машина: ижрочилар ўзгариши мумкин, бироқ натижалар камдан кам пасайиб кетади. "Шахтёр"дан олинган Фернандо гол уриш бўйича сустлигини сақлаб қолган бўлса-да, у "Милан" ҳимоясини сўроққа тутади. "Россонери" ўтган мавсумда 11 йил ичида биринчи марта А Серия тожини қўлга киритди. Бундан кейинги чақириқ эса эски Европа сеҳрини қайта кашф этиш бўлади. Кучли старт бунинг калити бўлиши мумкин. 

Биласизми? 

 "Зальцбург" ўтган мавсумда Чемпионлар Лигаси плей-офф босқичига чиққан биринчи Австрия клуби бўлди.

ПСЖ – "Ювентус" (00:00)

Ажрашганингиздан бир неча ҳафта ўтиб собиқ севгилингиз билан қайта тўқнаш келишдан расво нарса бўлмаса керак. Анхель ди Мария ушбу ёзда "Ювентус" билан алоқа ўрнатишдан олдин Парижда еттита муваффақиятли мавсум ўтказди. У май ойи охирида мухлисларга таъзим қилганида, уларнинг ўрнидан туриб олқишларига сазовор бўлган эди. Бугун тунда бўлиб ўтадиган учрашувда худди ўша мухлислар аргентиналикни бундай илиқ кутиб олмаслиги мумкин. Тўсиқлардан қоқила-қоқила янги мавсумни бошлаб олган "Юве" янги мураббий Кристоф Гальтье бошқаруви остидаги ҳақиқий ҳужумкор ҳаёт белгиларини кўрсатувчи ПСЖ либосига дуч келади. 

Биласизми? 

Ўтган мавсумда мусобақанинг гуруҳ босқичида чемпионатда 50-ўйинини ўтказган Киллиан Мбаппе меҳмонда ўтган ўйинларда 20 та гол урган 11-ўйинчига айланган эди. У ушбу натижага бор-йўғи 23 та ўйинда эришди ва бу билан қолган 10 эркакдан яхшироқ кўрсаткичга эга бўлди.

"Лейпциг" – "Шахтёр" (00:00)

Кристофер Нкунку ўтган мавсумда "Лейпциг" учун барча турнирларда 35 гол урди ва 20 голли узатмани қалаштириб ташлаганда ёзда катта қизиқишни ўзи томонга оғдирди. Шунга қарамай, Бундеслига 2021/22 йилги мавсумининг энг яхши футболчиси ўз клубида қолди ва қолган жойидан давом эттирадиган кўринади. Мавсум аввалида немис клуби таркибидаги асосий муаммо майдоннинг бошқа четида эди. Украинада давом этаётган нотинч вазият туфайли Киевда жойлашган "Шахтёр" кўп жиҳатдан ноаниқлигича қолмоқда. Улар бу йили Чемпионлар Лигаси биринчи турига атиги 3 та ўйин ўтказган ҳолда етиб келади.

 Биласизми? 

"Шахтёр" 17 марта ЕЧЛ гуруҳ босқичига чиқишни уддалади. Аввалги 16 танинг 12 тасида улар кейинги босқичга ўта олмаганди, шу жумладан, сўнгги 4 тасида ҳам.

"Бенфика" – "Маккаби" Хайфа (00:00)

"Маккаби" Хайфанинг сўнгги марта мусобақадаги иштироки 2009/10 йилги мавсумда бўлган эди. Жамоа ўшанда умуман гол урмасдан, ҳеч қандай очкосиз умидсизликка тушганча иштирокини якунлаган эди. Унутиб қўйилган нарса ўша мағлубиятларнинг бештаси кичик 0:1 ҳисобида мағлубият билан тугаганди. Гуруҳ босқичигача плей-офф босқичида "Црвена Звезда"ни 5:4 ҳисоби билан таслим қилган "Маккаби" 2022/23 йилги мавсумда ортиқча куч бермаса керак. Шунга қарамай, "Бенфика" очиқ ўйинни қадрлаши мумкин: улар ушбу мавсумда 9 ўйинлик стартда ҳар бир ўйинда 3 тадан кам гол уришмади. 

Биласизми?

"Маккаби" Хайфа 2002/03 йилги мавсумда гуруҳ босқичида дебют иштирокини амалга оширган биринчи Исроил клуби бўлган.

Мансурбек Неъматов таржимаси