ЕЧЛ. "Арилар" яна "Реал"ни "чақиб" оладими? Клопп Москвада Контенинг дўсти билан учрашади (превью)

"Спартак" Словенияда "Марибор" билан дуранг ўйнаган бўлса, Англияда "Ливерпуль" "Севилья" билан очколарни бўлишиб олишганди.
Энди эса Юрген Клопп бошчилигидаги "Ливерпуль" Москвада "Спартак" меҳмони бўлади.

"Спартак"нинг Россия чемпионатидаги ишлари кўнгилдагидек эмас. Жамоа эндиликда бор эътиборини ЕЧЛга қаратган ҳолда ўз мухлисларини хурсанд этишга киришиши аниқ. "Ливерпуль" эса Россия сафари олдидан "Лестер"ни мағлуб этди ва жамоада ажойиб кайфият ҳукмрон.
"Спартак" эса "Анжи" билан ўйинда чираниб бир очкони қўлга киритди.

Ғазабдаги жамоа бор аламини "Ливерпул"дан олишга уриниб кўради. Аммо жамоалар савиясидаги фарқ эвазига "Ливерпуль"нинг имкониятлари нисбатан юқорироқ ҳисобланмоқда. Аммо Каррера бу ўйин олдидан АПЛдаги дўсти Антонио Контедан "Ливерпуль" бўйича керакли маслаҳатларни олгани аниқ. Бу эса "Спартак"нинг ўйинга тузадиган режасига керакли ўзгартиришларни киритиши мумкин.

Гуруҳнинг иккинчи учрашуви Испанияда бўлади. Ла Лиганинг ўтган турида "Атлетико"дан мағлубиятга учраган "Севилья" "Марибор" билан куч синашади. Эрнесто Маркуччи ва Дарко Миланич ўртасидаги мураббийлар қарама-қаршилигида албатта мезбонларнинг имконияти юқори. "Марибор" бу тўқнашувда сенсация қайд этиш учун курашади.  Дарко Миланич бошчилигидаги жамоа ҳозирча жорий мавсумда мағлубият нималагини билмай келмоқда. Жамоа ички чемпионатда ўтказилган 10 учрашувдан 7тасида ғалаба қозонган бўлса, қолган 3та ўйинда дуранг қайд этган. ЕЧЛда ҳам ҳозирча мағлубият аламини татиб кўргани йўқ. "Севилья" уларга илк "зарба"ни беришга қодирми? Бунга бугун аниқлик киритилади.


"E" гуруҳи

"Спартак" - "Ливерпуль" (тахминий таркиблар)

"Откритие Арена" стадиони.

Бош ҳакам: Клемент Турпин (Франция)

"Спартак": Ребров; Ещенко, Джикия, Таски, Боккетти, Комбаров; Попов, Фернандо, Пашалич; Роша, Луис Адриано
Ўйнамайди: Зобнин (колено), Тигиев (колено), Глушаков (бедро), Ананидзе (икроножная мышца)
Сўроқ остида: Промес (жароҳат), Роша (жароҳат), Зе Луиш (жароҳат), Давидов (жароҳат)

"Ливерпуль": Кариус; Александер-Арнолд, Матип, Клаван, Морено; Хендерсон, Джан; Салах, Коутиньо, Мане; Старридж
Ўйнамайди: Гомес (дисквалификация), Лаллана (жароҳат), Клайн (жароҳат)

"Севилья" - "Марибор" (тахминий таркиблар)

"Эштадио Р.Санчез Пижуан" стадиони.

Бош ҳакам: Алексей Кулбаков (Белорусь)

"Севилья": Рико; Коршья, Лангле, Пареха, Эскудеро; Банега, Н'Зонзи, Пизарро; Навас, Муриэль, Корреа.
Сўроқ остида: Кьер (жароҳат)

"Марибор": Ханданович; Палчич/Милец, Райчевич, Биллонг, Вилер; Кабха, Врховец; Байде, Ахмеди, Бохар; Таварес.
Ўйнамайди: Шулер (жароҳат), Шме (жароҳат), Вршич (жароҳат)
Сўроқ остида: Милец (жароҳат), Захович (жароҳат)

"F" гуруҳининг 2-турида пешқадамлар ва аутсайдерлар ўзаро дуч келишади. Манчестерда Хосеп Гвардиола ҳамкасби Пауло Фонсека билан беллашади.
"Сити" ўтган турда сафарда "Фейеноорд"ни тор-мор келтирган бўлса, "Шахтёр" ўз уйида "Наполи"га ҳеч қандай имконият қолдирмаганди.

Бугун эса Манчестерда ким гуруҳнинг якка пешқадамига айланиши ҳақидаги саволга жавоб берилади. Бу баҳсда "Манчестер Сити"нинг имкониятлари анча юқори. Жамоа ҳозир ўзининг оптимал спорт формасида. "Сити" олдидан чиққан рақиби дарвозасига камида 4тадан голлар йўлламоқда. Бу эса "Шахтёр"ни мудофаа чизиғи учун огоҳлиқ қўнғироқ бўлгани табиий.

"Квартет"даги навбатдаги ўйин Неаполда ўтади. Ўтган ўйинда яраланган "шерлар" мисоли ғазабда турган икки жамоа 3 очко учун кураш олиб боради.
"Наполи"ни бошқа хато қилишга ҳаққи йўқ. "Фейеноорд" учун эса бу ўйин кўп нарсага ойдинлик киритиб беради. Жованни ван Бронхорст жамоаси бу учрашувда керакли очколарни қўлга киритса, унда голландияликлар гуруҳда йўлланма учун курашда қолишади. Акс ҳолда "Фейеноорд"нинг имкониятлари кескин пасайиш билан бирга, Европа лигаси йўлланмаси ҳам катта сўроқ остида қолади.

Маурицио Сарри жамоаси эса биринчи турда "Шахтёр"дан учралган мағлубият тасодиф эканлигини исботлаш учун ҳам бу баҳсга катта куч ташлашлари аниқ.


"F" гуруҳи

"Манчестер Сити" - "Шахтер" (тахминий таркиблар)

"Этиҳад стэдиум" стадиони.

Бош ҳакам: Мануел де Соуса (Португалия)

"Манчестер Сити": Эдерсон; Уокер, Отаменди, Стоунз, Данило; де Брейне, Фернандиньо, Сильва, Бернарду Силва; Жезуш, Агуэро.
Ўйнамайди: Компани (жароҳат), Менди (жароҳат), Гюндоган (жароҳат)

"Шахтер": Пятов; Бутко, Ордец, Ракицкий, Исмаили; Фред, Степаненко; Марлос, Тайсон, Бернард; Феррейра.
Ўйнамайди: Кривцов (жароҳат), Малишев (жароҳат)

"Наполи" - "Фейеноорд" (тахминий таркиблар)

"Сан Паоло" стадиони.

Бош ҳакам: Уиллиям Коллум (Шотландия)

"Наполи": Рейна; Хюсай, Альбиоль, Кулибали, Гулям; Аллан, Жоржиньо, Гамшик; Кальехон, Мертенс, Инсинье.
Ўйнамайди: Милик (жароҳат)
Сўроқ остида: Кирикеш (жароҳат)

"Фейеноорд": Джонс; Хапс, ван дер Хейден, Сен-Жюст, Дикс; Вилена, Тоорнстра, Эль-Ахмади; Боэтьюс, Крамер, Бергхейс.
Ўйнамайди: Йоргенсен (жароҳат), Вермеер (жароҳат), Боттегин (жароҳат)

Европа чемпионлар лигасининг энг қизиқарли бўлиши кутилаётган "G" гуруҳида ҳар бир тур ўзгача кечиши аниқ. Бу "квартет"да аниқ бир фаворит жамоа йўқ. Шунингдек, яққол аутсайдер ҳам кўринмаяпти.

Таркиб жиҳатдан жуда кучайган "Бешиктош" бу гал чақилмас ёнғоқ сифатида қаралаётган "Лейпциг"ни синовдан ўтказади. Ўтган турда Португалияда шов-шувли ғалабани тантана қилган "қора бургутлар"нинг парвози яна давом этадими?

Ральф Хаззенхюттль илк турдаги дурангдан сўнг Туркияга энди фақат ва фақат очко мақсадида сафар уюштириши аниқ. "Лейпциг"нинг ЕЧЛдаги мақсади анча жиддий ва жамоа гуруҳдан чиқишни кўзламоқда. "Буқа"лар ушбу жиддий вазифани бажаришга қанчалик тайёр эканлигига бугунги учрашув ҳам қисман жавоб беради.
Бу ўйинга ҳар иккала жамоа икки хил кайфиятда келмоқда. Ўтган турда Истанбул дербисида анча асаб ва кучни йўқотган "Бешиктон" уч очкони ҳам бой бергани кайфиятга таъсир кўрсатиши аниқ. "Лейпциг" эса "Айнтрахт" қаршилигини енгди ва жамоа руҳий тарафлама рақибидан кўра анча яхши ҳолатда.

2004 йилги Европа чемпионлар лигаси финалчилари ниҳоят яна ЕЧЛда ўзаро тўқнаш келишмоқда. Бу сафар гуруҳ босқичида. Ностальгияни ёдга солувчи ушбу қарама-қаршилик анча қизиқарли ўтиши аниқ. "Монако" активида бир очко мавжуд, "Порту" эса ўз уйида "Бешиктош"дан қабул қилиб олган қақшаткич зарбадан кейин ўрнидан туриши лозим. Буни жамоа қай даражада уддалашини эса ўйин кўрсатиб беради.

Бу гуруҳда кураш охирги тургача давом этишини ҳисобга олсак, ҳар бир қўлга киритиладиган очко жуда муҳим аҳамият касб этади.


"G" гуруҳи

"Монако" - "Порту" (тахминий таркиблар)

"Стаде Луис II" стадиони.

Бош ҳакам: Славко Винчич (Словакия)

"Монако": Бенальо; Сидибе, Глик, Жемерсон, Жорж; Лопеш/Геззаль, Фабиньо, Жоау Моутинью, Лемар; Йоветич, Фалькао
Ўйнамайди: Субашич (жароҳат)
Сўроқ остида: Бальде (жароҳат)

"Порту": Касильяс; Рикарду, Фелипе, Маркано, Теллеш; Корона, Данило, Оливер Торрес, Брахими; Марега, Абубакар.
Ўйнамайди: Диогу Лейте (дисквалификация), Андре Андре (жароҳат)

"Бешиктош" - "РБ Лейпциг" (тахминий таркиблар)

"Водафоне Стэдиум" стадиони.

Бош ҳакам: Сергей Карасев (Россия)

"Бешиктош": Фабри; Медель, Пепе, Тошич, Жанер Эркин; Хатчинсон, Эзьякуп; Куарежма, Талиска, Бабел; Дженк Тосун.
Ўйнамайди: Гекхан Генюл (жароҳат)
Сўроқ остида: Адриано (жароҳат)

"РБ Лейпциг": Гулач; Клостерманн, Орбан, Упамекано, Бернардо; Кейта, Демме; Забитцер, Форсберг; Поульсен, Вернер.
Сўроқ остида: Кампл (жароҳат), Кейта (жароҳат)

Бугун барчанинг диққат-эътибори қаратиладиган гуруҳ шубҳасиз "H" "квартети". Ушбу гуруҳда Дортмунднинг "Боруссия" ҳамда Мадрид "Реал" жамоалари ўзаро ҳисоб-китоб қилиб олишади. Сўнгги йилларда ЕЧЛда классик қарама-қаршиликка айланаётган ушбу тўқнашувда ҳозирча кичик устунлик "Боруссия" тарафида. "Боруссия" ва "Реал" 2012 йилдан буён ЕЧЛда жами 8 маротаба дуч келишган. Шуларнинг 3тасида Дортмунднинг қўли баланд келган, яна учтасида дуранг қайд этилган ва иккита учрашувда "Реал" ғалаба қозонган.

Жамоаларнинг ҳозирги ҳолатидан келиб чиқиб айтадиган бўлсак, Петер Бошш шакллантираётган "Боруссия" айни пайтда европада энг ёрқин ўйин кўрсатаётган иккита жамоадан бири. "Боруссия" ўтган турда Лондонда "Тоттенхэм"га қарши беллашувда ҳам ўйин бўйича мағлуб бўлмади. Қарши ҳужумларда ўтказиб юборилган ҳужумлар гол билан якунлангани якунда Петер Бошш жамоаси учун қимматга тушганди. Шунингдек, лайнсмен дортмундликларнинг тоза голини инобатга олмагани ҳам учрашув натижасига бевосита таъсир ўтказди.

Шу боисдан ҳам дастлабки турдаги мағлубият билан "Боруссия"га баҳо бериш хато бўлишини Зинедин Зидан яхши тушуниб турибди.

"Реал"нинг ички чемпионатдаги ишлари жойида эмас. Шу боисдан ҳам жамоа ушбу бўшлиқни ЕЧЛдаги ғалабалар билан ювишга уриниб кўриши табиий. Ла Лигадан фарқли равишда жамоанинг ЕЧЛдаги старти муваффақиятли чиқди. Илк турда АПОЕЛ доғда қолдирилгач турнирнинг амалдаги ғолиби гуруҳда тўплар нисбатига кўра якка пешқадам бўлиб турибди. "Реал"нинг бугунги учрашувдаги асосий вазифаси айнан пешқадамликни топшириб қўймасликдан иборат.
"Сигнал Идуна Парк"да бугун дортмундликлар "Реал"ни "қайноққина" кутиб олишади. Бу даҳшатли чақирувга мусобақанинг амалдаги ғолиблари қанчалик тайёр эканликларига гувоҳ бўламиз.

Дортмундда ўтказилган тўрт учрашувдан учтасида мезбонлар ғалаба қозонишган бўлса, бир ўйин дуранг билан якунланган. "Реал"га ҳозирча Дортмунддан ғалаба билан қайтиш насиб этмаяпти. Бугун улар ушбу ишни уддалай олишадими? Бу очиқ саволга тунда Зидан жавоб излаб кўради.

Гуруҳнинг иккинчи беллашуви АПОЕЛ ҳамда "Тоттенхэм" ўртасида кечади. Биринчи турдаги ғалабадан кейин "Тоттенхэм"нинг ЕЧЛдаги иштаҳси очилгани ҳақида жуда кўплаб фикрлар пайдо бўлмоқда. АПОЕЛ эса ЕЧЛда иштирок этиш бўйича лондонликлардан кўра кўпроқ тажрибага эга. Бугун тажриба устун келадими ёки жамоалар ўртасидаги тафовутми?

Нариги ўйинда фаворитлар ўзаро тўқнаш келиши ва улардан бири очко йўқотиши эҳтимоли катталигини инобатга олсак, "Тоттенхэм" бундан унумли фойдаланиб қолиши учун қулай фурсат.

Поччеттино буни яхши тушуниб турибди. АПОЕЛ эса бу "квартет"да шунчаки очко улашувчи жамоа ролинини бажармоқчи эмаслигини амалда исботлаши лозим.

"H" гуруҳи

"Боруссия" Дортмунд - "Реал" (тахминий таркиблар)

"Сигнал Идуна Парк" стадиони.

Бош ҳакам: Бьорн Куйперс (Голландия)

"Боруссия" Д: Бюрки; Пищек, Папастатопулос, Бартра, Тольян; Шахин, Дауд, Гетце; Ярмоленко, Обамеянг, Филипп.
Ўйнамайди: Геррейро (жароҳат), Шмельцер (жароҳат), Роде (жароҳат), Дурм (жароҳат), Ройс (жароҳат)

"Реал": Навас; Карвахаль, Варан, Рамос, Начо; Модрич, Каземиро, Иско; Бейл, Роналду, Асенсио.
Ўйнамайди: Бензема (жароҳат), Марсело (жароҳат), Ковачич (жароҳат), Вальехо (жароҳат)
Сўроқ остида: Кроос (жароҳат), Эрнандес (жароҳат)

АПОЕЛ - "Тоттенхэм" (тахминий таркиблар)

"Нео ГСП" стадиони.

Бош ҳакам: Павел Краловец (Чехия)

АПОЕЛ: Ватерман; Вурос, Хесус Руэда, Карлао, Лаго; Захид, Винисиус, Нуну Мораиш, Алонефтис; Шоллои; Де Камарго.
Ўйнамайди: Янну (жароҳат), Бертольо (жароҳат), Эфрем (жароҳат), Миланов (жароҳат), Эбесилио (жароҳат)

"Тоттенхэм": Льорис; Фойт, Алдервейрелд, Санчес; Триппьер, Дайер, Сиссоко, Дэвис; Сон, Кейн; Льоренте.
Ўйнамайди: Ваньяма (жароҳат), Роуз (жароҳат), Алли (дисквалификация), Вертонген (дисквалификация), Эриксен (жароҳат), Дембеле (жароҳат)