Дуайт Йорк "Юнайтед"да Шешконинг ўрнига кимни ўйнатиш кераклигини айтди

"Аморим шундай пайтда ёшларни пишитиб, уларнинг иқтидорини очиши, Шешко жароҳатланганда янги номларни кашф қилиши керак.

Бунга қадар "Юнайтед" шундай пайтда вақтинчалик футболчилар билан шартнома имзолади ва бу амалда ўхшамади. Футболчиларни жароҳатланганларнинг ўрнига олиб келиш учун "Манчестер Юнайтед" клуби катталик қилади. Агарда бирор топ-ҳужумчини олиб келиш учун қаттиқ ҳаракат қилишса, тушунаман. Лекин ишлар яхши бўлмаган пайтда бу қийин. Агарда "Юнайтед" янги футболчи билан шартнома имзоласа, "Ливерпуль" каби йўл тутиб, футболчининг клубга ростдан ҳам керак эканлигини тушунтириши керак. Бундай ҳолатда клубнинг U23 таркиби шунчаки ишлаётган бўлиши керак эмас.

Чидо Оби-Мартинга нима дейсиз? Биламан, биринчи таркибдаги футболчиларнинг номи катта, бироқ шундай ҳолатлар учун ёшларни тайёрлаб бориш керак. Мен "Юнайтед"да ўйнаб юрган вақтларимда ёш футболчилар ҳам биз билан шуғулланишарди. Ўз навбатида биз ҳам уларга имконият берилишига шароит яратардик. Бу эса футболчиларнинг асосий жамоага тезроқ мослашишига имконият беради. Мен асосий эътиборни шунга қаратган бўлардим.

Шешконинг майдондан ташқаридалигида Оби-Мартинни синаб кўрган бўлардим. Агарда у ростдан ҳам бунга етарлича салоҳиятга эга бўлса, яна имконият бериш керак. Ёш футболчиларнинг клуб асосий жамоасида ўзини кўрсатишини тарихда юз марталаб кўрганмиз", - деди Йорк