Дрогба фаолиятидаги энг қийин рақиб футболчиларни айтди
09 фев 2021 22:20
Новости

Дрогба фаолиятидаги энг қийин рақиб футболчиларни айтди

"Юнайтед"га гол урсам, демак, яхши ўйин ўтказган бўламан", - деди 42 ёшли футболчи.

2015 йили Рио Фердинанд "BT Sport" нашри учун Дидье Дрогбадан интервью олганди. АПЛнинг икки афсонаси ўртасидаги суҳбат эса анчагина қизиқарли кечганди.

"Манчестер Юнайтед" юлдузи 42 ёшли футболчидан Англия майдонларидаги "энг оғир жанглар" ҳақида сўраганида Дрогба: "Мен доимо сен ва Видич борасида гапирганман.

Одамлар менинг "Манчестер Юнайтед"га урган голларим кўплигини айтишади. Аммо Ушбу жамоага гол урсам, ўзимни жуда бахтли ҳисоблардим. Чунки "Манчестер Юнайтед"га доим ҳам гол ура олмасдим", - деди.

Шунингдек, у қўшимча сифатида: "Тўғриси, сизларга гол урсам, ўзимга яхши ўйин ўтказганлигимни айтардим. Сиз ва Карлес Пуйоль ҳам жуда мағрур, ажойиб ҳимоячи. Ўз навбатида жентльмен".

Видич ва Фердинанд АПЛ тарихидаги энг яхши ҳимоячилар тандеми сифатида қолмоқда. "Челси" таркибида 197 гол урган Дрогба эса уларни қаттиқ ҳурмат қилади.

Ссылка :

Источник : BT Sport

Получайте новости прямо в Telegram!

Рейтинг: +27