Дракслер ёзгача "Шалке" ни тарк этмайди
14 дек 2013 15:51
Новости

Дракслер ёзгача "Шалке" ни тарк этмайди

"Шалке" ярим ҳимоячиси Юлиан Дракслерга Европанинг кўплаб топ-клублари қизиқиш билдираётганидан хабарингиз бор. Шу боисдан кўпчилик Дракслернинг қишда жамоадан кетишини таҳмин қилаётган эди.

Бироқ гелзенкирхенликлар жамоаси менежери Хорст Хелдт, Юлианнинг қишки трансферлар пайтида "Шалке" ни тарк этмаслиги деярли аниқ эканини айтиб ўтди.

- Юлиан – ажоиб ўйинчи. Унинг бундан кейин ҳам кучли клублар нигоҳида қолишига ишонаман. Лекин ишонч билан айтишим мумкин-ки, у ЧЛ ним-чорак финал баҳсларида ҳам "Шалке" учун майдонга тушади, - деди Дракслернинг жамоада қолишига ишонаётган Хелдт.

Чемпионлар Лигаси ним-чорак финал баҳсларининг баҳорда ўтказилишини инобатга олсак, футболчининг мавсум сўнггига қадар "Шалке" сафида қолишига ишониш мумкин. Аммо мавсум якунланганидан сўнг Дракслер катта эхтимол билан Гелзенкирхенни тарк этади. Боиси уни кўхна қитъанинг бир қатор етакчи клублари ўз сафида кўришни истамоқдалар.

"Реал Мадрид" ҳамда "Манчестер Сити" жамоалари Дракслернинг "Шалке" билан 2018 йилга қадар мўлжалланган трансфер ҳуқуқини сотиб олиш учун 45,5 миллион Евро тўлашга тайёр туришибди. Қолаверса, "Ливерпул" ва "Челси" клублари ҳам Дракслер билан жиддий қизиқмоқда.

Ссылка :

Источник : fussball.de

Получайте новости прямо в Telegram!

Рейтинг: