Драган Скочич: "Бизнинг ҳужумчиларимиз анча тезкор ва хавфли"

- Дастлабки турдан кейин гуруҳдаги ҳолат борасида гапириб ўтсангиз?
- Биринчи турдан сўнг бирор аниқ фикр билдириш қийин. Гуруҳда кучли ва юқори даражадаги жамоалар йиғилишган. Мусобақа энди бошланди ва ҳамма кураш олдинда. Рақибларимизнинг дастлабки учрашуви ўйинга мос тарзда кечмади. "Локомотив" ўйин дебютида бироз бўшашди ва голлар ўтказиб юборди. Аммо "темирйўлчилар" учрашувни яхши ўтказишди дея оламан.

- Жамоа сўнгги ўйинларда ғалаба қозона олмаяпти. Бу нима билан боғлиқ?
- Мавсум бошида бунақанги ҳолатлар юз бериб туради. Аввалги 3 ойда биз мағлубият нималигини билмаганмиз. Охирги учта ўйиннинг натижаси муҳим аҳамият касб этмайди ва биз бунга эътибор қаратмаймиз.

- Эртага "Фулад" ўз дарвозасини қуруқ сақлай оладими? Чунки "Локомотив" сафидаги ҳужумчилар анча тезкор ва жамоа ҳам шунга мос ҳужумкор ўйнайди.
- Мен бошқача айтган бўлардим, "Локомотив" ўз дарвозасини муносиб ҳимоя эта оладими? Чунки бизнинг ҳужумчиларимиз ҳам кераклигича тезкор ва хавфли ўйнашади.

- "Фулад" жамоаси ОЧЛнинг сафарги ўйинларида жами бир маротаба ғалаба қозонган. Бу ҳақида нима дея оласиз?
- "Фулад"ни у пайтда турли мураббийлар бошқаришган ва футболчилар ҳам бошқа бўлган. Шу боис аввалги натижаларимиз ҳозир муҳим эмас.


Леонард Мисарич: Осиё чемпионлар лигаси жиддий ва қийин турнир. Эртанги ўйинга ўз режамиз бор ва ғалаба учун майдонга тушамиз. Жамоамизнинг кучига ишонган ҳолда шуни айтишим мумкинки, сафардан керакли натижа билан қайта оламиз. Майдон билан танишиб чиқдим. Сифати қониқарли даражада экан.  Эртага чиройли ва томошабоп футбол кўрамиз деб ўйлайман.