RU

Последние новости

11:00Ҳамидулло Абдунабиев: "Мураббийларнинг кўрсатмаларига амал қилсак, "Бухоро"ни яна мағлуб этамиз"  0 10:38Give me Sport. Айни вақтдаги энг яхши ярим ҳимоячилар рейтинги тузиб чиқди  2 10:12«Рома» футболчиси ёзда фаолиятини якунлашини эълон қилди  0 09:42Уильямс бир шарт билан «Арсенал»га ўтишга рози  0 09:10«Реал» бош мураббийи Анчелотти келажаги ҳақидаги саволга жавоб берди  4 08:38Моуринью терма жамоани бошқариши мумкин  1 08:03Роналду «Ал Ҳилол»ни мағлуб этганидан сўнг нималар деди?  14 07:35Суперлига. Бугун Фарғонада супер учрашув бор  22 02:24Суперлига. "Сурхон"дан мавсумдаги илк ғалаба, "Қўқон-1912"дан илк мағлубият, "Бунёдкор" ўз уйида "меҳмон" бўлди  2 01:31Бундеслига. "Бавария" сафарда иродали ғалаба қайд этди  0 01:09Саудия Арабистони. "Ал Насср" сафарда "Ал Ҳилол"ни мағлуб қилди, Роналдудан дубль!  24 00:59U-17 Осиё Кубоги. Япониядан йирик, Ямандан ишончли ғалаба  1 00:17Февзи Давлетов: "Менга нисбатан эътирозлар? Мухлислар доимо жамоага ишониши керак"  7 23:52Баҳром Ҳайдаров: "Иккинчи қизил карточка сабабли мағлуб бўлдик"  5 23:25U-17 Осиё Кубоги. Жанубий Корея мағлуб бўлди, Австралия дуранг ўйнади  4

Дониёр Нарзуллаев: "Илҳом Мўминжоновга ваъда бериб қўйгандим. Қаерда бўлсам ҳам "Насаф"га омад тилайман" Новости

Дониёр Нарзуллаев: "Илҳом Мўминжоновга ваъда бериб қўйгандим. Қаерда бўлсам ҳам "Насаф"га омад тилайман"

Ўтган мавсумда Про лигада ғолиб чиқиб Суперлигага йўлланма олган "Нефтчи" таркибини кучайтиришга қаттиқ бел боғлаган.

Клуб янги мавсум олдидан ўз сафига "Насаф" ярим ҳимоячиси Дониёр Нарзуллаевни қўшиб олди. Куни кеча клуб билан расман шартнома имзолаган футболчи билан алоқага чиқиб бу борадаги фикрларини тингладик. 

- Фаолиятингизда иккинчи бор янги жамоага ўтдингиз. Бу борадаги дастлабки қадамни "Металлург" бажариб берганди. Ушбу жамоа сафида яхши ўйин намойиш қилиб келаётган эдингиз. Лекин ўтган мавсумда имконият кам берилди. "Насаф" сизга спорт формасига кириб олиш ва тикланиш вазифасини ўтаб бердими?

- Дастлаб халқимизни кириб келган 2022 йил билан табриклайман. Рақобатдан ҳеч қачон қочмаганман. "Металлург"да майдонга тушмасам ҳам машғулотларда астойдил ишладим. Давралар оралиғида жонажон жамоам "Насаф"дан таклиф тушди. Қайсидир маънода Қаршига қайтиш мен учун фойдали бўлди, деб ўйлайман. Спорт формамни тиклаб олдим. Бунинг учун клуб раҳбарияти, мураббийлар штаби, жамоадошларим ва мухлисларга раҳмат айтаман. 

- "Нефтчи"дан таклиф айнан ким томонидан бўлди?

- Мавсум якунига етгач шахсан Илҳом Мўминжоновни ўзидан таклиф тушди. Мазкур чорлов менга маъқул келди. 

- Ушбу жамоага ўтиш катта таваккалми ёки келажакни ўйлаб қилинган ишми? 

- Бошқа жамоалардан ҳам таклифлар келиб тушди. Уларнинг орасида "Нефтчи"ники менга қизиқ туюлди. Илҳом акани ўйин услублари маъқул келди. Бу қарорим қанчалик тўғри ёки нотўғри эканлигини мавсум якунида билиб оламиз. Ўйлайманки "Нефтчи" билан ҳамкорлигимиз икки томон учун ҳам фойдали бўлади. 

- "Насаф" томонидан сизни олиб қолишга ҳаракат сездингизми?

- Ҳаммаси жойида эди. Мураббийлар штаби ҳам мени олиб қолмоқчи бўлишди. Лекин мен Илҳом Мўминжоновга ваъда бериб қўйган эдим. Шунинг учун раҳбарият ва мураббийларга буни тўғри тушунтирдим.  Улар эса омад тилашди. Қаерда бўлсам ҳам "Насаф"га меҳрим балан бўлиб қолаверади. Жамоанинг ўйинларини кузатиб боришга ҳаракат қиламан. 

- Фарғоналиклар билан шартнома неччи йилга имзоланди?

- Ҳозирча 1 йилга мўлжалланган шартнома туздик. Агар барчаси кўнгилдагидек кетса яна узайтирамиз. 

- Агарда мавсум ўртасида хориждан чорлов қабул қилсангиз, "Нефтчи" қўйиб юборадими? Шартномага бу борадаги маҳсус бандлар киритилдими?

- Агарда давралар оралиғида четдан вариант чиқиб қолса клуб барчасини ўзим ҳал қилишимга қўйиб беради. Бу мен учун катта имконият. Чунки Ўзбекистонда камдан-кам жамоалар бундай имконият яратиб бера олади. 

Автор : Iskandarov Abdulaziz
Рейтинг: +13   

Комментарии

championat.asia
< посмотреть последние новости
Яндекс.Метрика