Диёр Мирзабоев: "Футболни алдаб бўлмайди, барчаси майдонда кўриниб қолди"

Янгиер

ПРО лига. Тур 19 06/10/2022, 16:00 1 : 1 Завершен

Гиждуван

45'

90'

8'  

34'  

Открыть в Матч-Центре

Ўйин ҳақида

- 25 кун давомида футбол ўйнамадик. Лигада қатнашишимиз сўроқ остида эди. Йигитларга шижоат ҳисобига ютиш лозимлигини айтгандим. Ўйиндан-ўйинга қўшиб борамиз.

- Ўзингиз таъкидлагандек, охирги ўйиндан сўнг деярли бир ой вақт ўтди. Футболчиларнинг жисмоний имкониятларини ушлаб туриш мақсадида нималарни амалга оширдингиз?

- Жадвал иккига ажралгандан сўнг чемпионатда қатнашиш ёки қатнашмаслигимиз сўроқ остида эди. Руҳий томондан тушкунлик бор эди. Очиғини айтаман, 6 кун олдин йиғилдик. 5 кун машғулотлар ва олтинчи куни футбол ўйнаяпмиз. Футболни алдаб бўлмайди, барчаси майдонда кўриниб қолди. Футболчи машғулотларда қатнашмаса, бу сезилади. Аслида ютқазадиган ўйин эди, омадимиз чопиб дуранг натижага эришдик. Рақиблар пенальтидан фойдалана олмади. Жисмоний имкониятни тиклашга вақт керак.

- Биринчи голда хатога йўл қўйган Бунёд Шодиевни алмаштирдингиз. Бунинг сабаби нимада?

- Шодиевни алмаштирилиши голда хато қилгани учун эмас. Унинг ўзи ёнимга келиб ўйини чиқмаётганини айтди.

- 1:1 ҳисоби сизни қониқтирдими?

- Ҳозирги вазиятимиздан келиб чиқса, албатта қониқтирди. Бугун ютқазишимиз мумкин эди. 80-дақиқадан кейин дарвозамиз томон пенальти белгиланганди. Омадимиз келиб рақиб пенальтини голга айлантира олмади.