«Динамо»нинг янги қароргоҳи Жомбойда, клуб академияси эса Самарқандда қурилади
15 окт 2018 17:29
Новости

«Динамо»нинг янги қароргоҳи Жомбойда, клуб академияси эса Самарқандда қурилади

Теги : Динамо

Самарқанд вилояти ҳокими вазифасини бажарувчи Эркинжон Турдимовнинг “Динамо” футбол клуби моддий техник базасини ривожлантириш борасидаги режаларига мувофиқ, клубга янги қароргоҳ қурилиши ҳақида маълум қилинган эди.

Уч кун ичида Самарқанд шаҳри ва шаҳарга яқин туманлардаги спорт базалари кўздан кечирилди. Хусусан, Самарқанд шаҳридаги “Локомотив” спорт қароргоҳи, Мотрид қўрғонидаги футбол базаси, Чархин қўрғонидаги “Динамо” футбол мактаби ва Жомбой туманидаги спорт қароргоҳлари тузилган комиссия томонидан ўрганиб чиқилди.

Ўрганиш жараёнида Самарқанд шаҳридан 15 километр узоқликда, Жомбой тумани ҳудудидага табиат қўйнида жойлашган спорт базаси танланди. Вилоят ҳокими қарорига мувофиқ, ушбу мажмуа қайтадан замонавий тарзда қурилиб, “Динамо” футбол клуби қароргоҳига айлантириладиган бўлди.

Шунингдек, айни дамда махсус ишчи комиссия Самарқанд шаҳрида “Динамо” футбол клуби академиясини қурилишига ер майдони ажратиш масаласида ишлар олиб бормоқда.

Ссылка :

Источник : fcdinamo.uz

Получайте новости прямо в Telegram!

Рейтинг: +17