«Динамо» - «Қизилқум»: Ким чорак финалга чиқади?

Чоршанба кунги учрашувда Про-Лига вакили “Динамо” Суперлига иштирокчиси “Қизилқум” билан чорак финал йўлланмаси учун курашади.

БИР УЧРАШУВДАН ИБОРАТ БАҲС

“Динамо” ва “Қизилқум” жамоалари жорий йилда икки хил савиядаги алоҳида турнирларда иштирок этишаётган бўлишсада, Ўзбекистон Кубоги нимчорак финали доирасида ҳар икки жамоа ҳам фақат ғалаба учун майдонга тушади. Сабаби, 1/8 финал доирасидаги баҳс тақдири битта ўйиндан иборат ва жамоалар дуранг ўйнаган тақдирда, дастлаб қўшимча бўлимлар, кейин эса пенальтилар серияси ўтказилиши мумкин.

ЖОРИЙ МАВСУМДА: КИМДА ҚАНДАЙ НАТИЖА?

"ДИНАМО"
Про-Лига “А” гуруҳида иштирок этаётган “Динамо” жамоаси мавсумни кутилгандек бошламади. Кетма-кет муваффақиятсизликлар натижасида жамоа турнир жадвалида 7-поғонадан жой олган. Сўнгги турда Нукуснинг “Орол” клубини қабул қилган Даврон Файзиев шогирдлари чемпионатдаги илк ғалабани қўлга киритшди.

«Динамо»нинг сўнгги беш турдаги натижаси:
7-тур: Динамо – Шўртан - 0:0
8-тур: Орол – Динамо - 2:1
9-тур: Динамо – Андижон - 1:1
10-тур: Андижон – Динамо - 3:1
11-тур: Динамо – Орол - 2:0

"ҚИЗИЛҚУМ"
Ҳамид Актамов қўл остидаги “Қизилқум” жамоаси эса сўнгги иккита турда муваффақиятли натижаларга эриша олди. Дастлаб, Навоий жамоаси Тошкентда амалдаги чемпион “Локомотив” билан ўйиндан очко билан қайтган бўлса, сўнги турда Қўқондан ғалаба билан қайтди. “Қизилқум” айни дамда Суперлигада 10-поғонадан ўрин олган.

«Қизилқум»нинг сўнгги беш турдаги натижаси:
9-тур: Қизилқум – АГМК – 3:0
10-тур: Қизилқум – Металлург – 1:2
11-тур: Навбаҳор – Қизилқум – 3:0
12-тур: Локомотив – Қизилқум – 2:2
13-тур: Қўқон-1912 – Қизилқум – 0:1

ЎЗАРО ЎЙИНЛАР: 35-ТЎҚНАШУВ

Бу икки клуб чемпионат баҳсларида 34 бора тўқнаш келган. Ушбу ўйинлардан 15 тасида навоийликлар ғолиб бўлишган. 9 ўйин дуранг ҳисобда якунланган. “Динамо” шу кунга қадар “Қизилқум”ни 10 марта мағлубиятга учрата олган.

“Динамо” ўйинларда 43 та гол урган ва 43 та ўтказиб юборган. Очко ишлаш борасида “Қизилқум” ўзаро ўйинларда 54 очко олган, «Динамо» эса 39 очко. “Қизилқум”нинг Олий лигада “Динамо” устидан эришган энг йирик ғалабаси 3:1 ни ташкил қилади. “Динамо”нинг эса навоийликлар устидан қозонган энг йирик ғалабаси – 6:1 га тенг.

“Динамо” Самарқандда бу рақибни 9 марта таслим қилган. Фақат 5 та баҳсда дуранг қайд этилган. “Қизилқум” сафардан 3 марта ғалаба билан қайтган.

Самарқандда ўтган ўзаро сўнгги 8 учрашув:
26.05.2017 «Динамо» - «Қизилқум» 0:1
17.05.2015 «Динамо» - «Қизилқум» 2:2
12.09.2014 «Динамо» - «Қизилқум» 2:1
04.08.2013 «Динамо» - «Қизилқум» 1:0
27.09.2012 «Динамо» - «Қизилқум» 3:0
21.08.2011 «Динамо» - «Қизилқум» 1:1
01.05.2010 «Динамо» - «Қизилқум» 0:0
25.06.2009 «Динамо» - «Қизилқум» 3:0

ЎЙИННИ КИМ БОШҚАРАДИ?

Ўзбекистон Кубоги 1/8 финал доирасидаги ўйинларни бошқариб борадиган ҳакамлар рўйхати эълон қилинган.

30 май (чоршанба)
“Динамо” – “Қизилқум”
Ҳакамлар: А. Эргашев, Х.Шодмонов, Т. Гайнуллин, К. Расулов.
Назоратчи – А.Хотамов.
Комиссар – Р.Черников.

ЎЙИН “СПОРТ” ТВ ОРҚАЛИ НАМОЙИШ ЭТИЛАДИ
Нимчорак финал доирасидаги “Динамо” – “Қизилқум” баҳси “Спорт” телеканали орқали 30 май, соат 17:00дан бошлаб тўғридан-тўғри эфирда Самарқанддаги “Динамо” стадионидан олиб кўрсатилади.

Ўзбекистон Кубоги.
1/8 финал.
30 май (чоршанба)
“ДИНАМО” – “ҚИЗИЛҚУМ”
Ўйин бошланиш вақти: 17:00
ТВ-трансляция: Спорт ТВ (жонли эфир).

“Динамо” клуби матбуот хизмати.