"Динамо" Арманистон чемпионини ўз сафига қўшиб олди

Клуб мураббийлар штаби таклифига кўра, «Динамо» жамоаси сафига Михайло Йованович келиб қўшилди. Сербиялик 32 ёшли марказий ҳимоячи билан бир йиллик шартнома имзоланди. У Самарқанд жамоаси таркибига эркин агент сифатида қўшилди.

Михайло Йованович фаолияти давомида «Младост» (Сербия), «Слога» (Сербия), «Карвина» (Чехия), «Зброёвка» (Чехия), «Вождовац» (Сербия), «Неман» (Беларусь), «Тараз» (Қозоғистон, 2019), «Инджия» (Сербия, 2020) ва «Алашкерт» (Арманистон) клублари шарафини ҳимоя қилган. Хусусан, сўнгги 2021 йилда Ереваннинг «Алашкерт» клуби сафида Арманистон чемпионлигини қўлга киритган.