Дилявер Ваниев: "Аламли мағлубиятга учрадик. Кураш сўнгги турга қадар давом этади"

"Ўйин бундай кечишини кутгандим. Турнир жадвалида ҳам жамоалар орасида фарқ катта эмас. "Андижон"ни ютишимиз шарт. Сабабларига келсак, футболчиларнинг ҳолати идеал бўлмаган бўлиши мумкин. Рақиб жамоанинг қандай ўйнагани ҳақида гапирмоқчи эмасман. Уларни шундай ўйнашини билардик. Йигитларга барчаси тушунтирилганди. Аламли мағлубиятга учрадик. Кураш сўнгги турларгача давом этади. Мағлубиятни ўз бўйнимга оламан",- дейди Дилявер Ваниев.

- Александр Хомяковнинг захира ўриндиғида йўқлиги қайсидир маънода таъсир қилдими?

- Бош мураббийимиз бетоб эди. Александр Андреевич билан доим маслаҳатлашамиз. Машғулотлар жараёнида керакли тавсияларни олдик. Бугун йигитларни ўзим тайёрлашга ҳаракат қилдим. 

- Ибе Окорони захирага олаётганингизда норози оҳангда майдонни тарк этди. Бунга муносабатингиз қандай?

- Буни сезганим йўқ. Ҳеч қандай муаммо йўқ. Тактик томондан уни алмаштиришга қарор қилдик. Ҳаммаси яхши.