Дилшод Нуралиев: "Бугунги хабарни эшитиб шошиб қолдим"

"Мен учун биринчи навбатда оғир ўйин бўлди. Йигитларга раҳмат айтмоқчиман. Хатоларимиз кўп, уларни устида ишлашимиз керак. Футболчиларни жисмоний ҳолати бу қадар ёмонлигини кутмагандим, менда булар билан машғулот ўтишга вақт бўлмади. Учрашув тугашига 20 дақиқа қолганида футболчиларим чарчаб қолишди. Имконият берилса хатолар устида ишлаймиз. Қўлимдан кеганича меҳнат қиламан, меҳнатдан қочмаганман. Таркибдаги тажрибали футболчилар ўйнашни билишади, ўзилар ҳам кўрдилар. Қўқон жамоасидан ёмон ўйнадик дея олмайман. Қайсидир вазиятда яхши ўйнадик, қайсидир вазиятда хато қилдик. Кўп вазият яратмаган бўлсакда бир нечта вазиятларни голга айлантирсак бўларди. Қўқонга омад ҳам келди, иккита рус тилида айтганда курёзни гол уриб кетишди. Мағлубиятда барча бирдек айбдор, "Локомотив" мухлисларидан узур сўрайман. Кейинги учрашувларда футболчиларнинг иштиёқини оширишга қўлимдан келганича ҳаракат қиламан.

Биринчи галда йигитларнинг жисмоний ҳолатини тиклашга эътибор қаратамиз. Кейинги ўйин дерби "Пахтакор"га қарши майдонга чиқамиз, йигитлар ҳам вазиятни тушуниб турибди. Қўлдан келганча вазиятни тўғирлшага ҳаракат қиламиз.

Бугун жамоани бош мураббий сифатида бошлаб тушиш кутилмаган хабар бўлди. Клуб раҳбарлари чақириб айтишганда шошилиб қолдим, кутилмаганда бўлиб қолди. Биз мураббиймиз тайинлашади, олишади. Вазиятдан чиқиб кетишга қўлимдан келганча ҳаракат қиламан",- дейди Нуралиев.