Диего Симеоненинг ўғли оғир жароҳат олди

"Алавес" ҳужумчиси Жулиано Симеоне назорат учрашувида "Бургос" футболчиси томонидан унга нисбатан қўлланилган чалишдан сўнг шифохонага олиб кетилди. Диего Симеоненинг ўғлини ижарага олган Баск клуби ҳозирча жароҳат тафсилотларини ошкор қилмади. 

Катта эҳтимол билан 20 ёшли Жулиано Симеоне оёғини синдириб олди ва мавсумнинг катта қисмини ўтказиб юборади.

Эслатиб ўтамиз, Диего Симеоненинг тўнғич ўғли Жованни "Наполи"да ўйнайди ва ўтган мавсум жамоага Скудеттони қўлга киритишда ёрдам берди.