Дибаланинг уйига ўғри тушди

Номаълум шахслар аргентиналик футболчининг уйига киришган. Бу воқеа сешанбадан чоршанбага ўтар кечаси, Паулонинг уйида ҳеч ким бўлмаган пайтда содир бўлган.

Манбанинг хабарига кўра, уй қўриқчиси ҳудуд атрофида айланиб юрганида, бино ичида шубҳали ҳаракатларни кўргач, тревога сигналини чалган. Шунга қарамай, қароқчилар қимматбаҳо нарсаларни ўзлари билан олиб кетишга муваффақ бўлишди. Тахминларга кўра, Дибаланинг коллекцион соатлари ўғирланган.

Айтиш жоизки, Италияда кўпинча футболчиларнинг уйлари талон-тарож қилинади. Кечалари ўйинчилар ўйин ўтказаётган пайтда ўғрилар уларнинг уйларга бостириб киришади.