Дешам Бенземани кечирмайди

"Реал" форварди 2015 йилнинг ноябрида Матье Вальбуэна билан содир бўлган можародан кейин терма жамоадан чақирув олмай қўйган. Ўшанда у собиқ жамоадошини интим видеолавҳа билан "шантаж" қилишда айбланган эди. Бенземанинг ўзи эса Дешам уни ирқчилик сабабли терма жамоага жалб қилмаслигини айтган.

— Бу воқеани унутиш қийин, — Дешамнинг сўзларини келтиради "Football Espana". — Вақт ўтиши билан баъзилар унутиши мумкин, аммо менинг эсимда қолади.

Таркиб танлаш, тактика ва техник жиҳатлар ҳақида гап кетса, мураббийнинг танқидга учраши одатий ҳол. Аммо у чегарани бузди. Бу мен ва оиламга таъсир қилдиган номақбул ҳолатдир. Унинг сўзлари оғзаки ва жисмоний тажовузга олиб келиши мумкин. Буни ҳеч қачон унутмайман.