Денис Бушуев: "Ҳозирги вақтда бизга ҳар бир очко ўта муҳим"

- Ўйин ҳақида

- Ҳозирги вақтда бизга ҳар бир очко ўта муҳим. Жамоамга бу каби характер кўрсатгани учун раҳмат айтаман. Эркакча сабр учун миннатдорман. Кийиниш хонасида ҳам футболчиларга раҳмат айтдим. Ҳар доим ҳам ўйинни назорат қилган жамоа ғалаба қозонавермайди. Яна қайтараман, ҳар бир очко олтиндек қадрга эга. 

- Рақиб бир киши кам бўлса ҳам сиз дурангни сақлаб қолишга кўрсатма бердингизми?

- Йўқ, бундай топшириқ бўлмади. 

- Норбековни нега бунчалик кеч алмаштирдингиз?

- Ўзгариш вақтида бўлди. Норбеков биринчи бўлимда катта ҳажмдаги ишни қилди. Иккинчи таймда ҳам унга ўзини кўрсатиш учун вақт бердик. Мен бу ўзгаришни кеч демаган бўлардим. Ҳаммаси яхши. Бугун оддий вазиятларда жуда кўп тўп йўқотдик. Рақиб қизил олганда ўйинни назорат қилишни талаб қилдим, аммо ҳозирги даражамизда бу даражадаги ўйинни қила олмайман.

- Кейинги ўйин "Андижон"га қарши ўйин. Бу ўйинда таркибда ўзгаришлар бўладими?

- Кўрамиз, тикланиб олишимиз керак. Кўпгина ўйинчилар у ёки бу сабаб билан ўйнай олмасликлари мумкин. Кўрамиз. Таркибимиз у қадар кенг эмас.

- Ҳар бир очко олтинга тенг бўляпти демоқдасиз. Кейинги ўйинда иккита ҳужумчи билан ўйнашга қандай қарайсиз?

- Ҳамма нарса бўлиши мумкин. Бугун учта ҳужумчи билан ўйнадик. Бунда муаммо кўрмаяман. 

- Охирги ўйинларда натижа сал пасайгани сабабли мухлислар сони ҳам камайди...

- Мухлисларга раҳмат айтмоқчиман. Уларнинг норозилигини тушунаман. Қўпроқ ишласак, уларни хурсанд қила олишимизга ишонаман.