Даврон Валижонов АГМКнинг бу мавсумдаги мақсади, Олий лигада чемпионлик учун кураш ва терма жамоага чақирилмаслиги сабаби ҳақида нималар деди?

АГМК клуби чемпионлик учун курашмоқда. Хўш, олмалиқликлар бу мавсумда Олий лига олтин медалларига эга чиқа оладими? Шу ҳақда саволларимизга жавоб олиш истагида АГМК етакчи футболчиси Даврон Валижонов билан суҳбатлашдик. 

-Иккинчи турда олдимизга қўйилган вазифани аъло даражада бажардик. Яънни, учта ўйиннинг барчасида ғалаба қозонишни мақсад қилгандик. Биз буни амалладик. 

- Бу йил АГМКнинг асосий мақсади қандай?
- Маълумки, биз ўз олдимизга юқори мақсадларни қўйганмиз. Чемпионликни қўлга киритишни истаймиз. Бу осон бўлмаслиги мумкин. Шунга қарамай, биз охиригача ҳаракат қиламиз. 

- АГМКда яратилган шароитлар ҳақида нималарни айта оласиз? Мавсум аввалида сизга бошқа клублардан ҳам таклифлар бўлдими?
- Тўғриси, мавсум аввалида деярли таклиф бўлгани йўқ. АГМКдан яхшироқ бўлган жамоадан таклиф бўлса, буни ўйлаб кўриш мумкин. 

- Олий лига баҳсларида чемпионлик йўлида АГМКни жиддий рақобатчилари бор. Сизнингча, ким чемпионлик пойгасида асосий рақиб ҳисобланади?
- Назаримда, Тошкентнинг “Локомотив” жамоаси бизга асосий рақиб бўлиши мумкин. Чунки уларда ҳам шундай вазифа қўйилган. Таркибида ҳам яхши футболчилар жамланган. 

- Даврон, нега терма жамоага чақирув олмаяпсиз. Бунинг сабаби нимада?
- Бунга сабаб менинг ўйин услубим терма жамоа бош мураббийи Баҳодир Аҳмедовга мос келмаган. Буни бош мураббийнинг ўзи ҳам ўзаро суҳбатлашганимизда айтган эди. Қачондир терма жамоага бош мураббий келса, шунда балки терма жамоа ўйин услубимга мос тушарман (кулади).

- Унда айтингчи, бизнинг футзалчиларимиз легионерга айлана олмаслигининг асосий сабаби нимада?
- Бизда яхши футзалчилар кўп. Дейлик, Музаффар Аҳаджонов, Акбар Усмонов, Ҳусниддин Нишонов, Машраб Одилов ва бошқалар. Улар бемалол хориж клубларида ўйнай олади. Фақатгина, футзалчилар билан яхши ишлайдиган агентлар йўқ. Ишонаманки, келажакда бизнинг футзалчиларимиз ҳам хорижга йўл олади. Бунга шахсан мен ишонаман.