Даврон Файзиев: "Фарғонадаги ўйин сценарийси такрорланди"
26 авг 2016 22:36
Новости

Даврон Файзиев: "Фарғонадаги ўйин сценарийси такрорланди"

"Сўғдиёна" - "Нефтчи" (1:0) учрашувидан сўнг мезбонлар устози Даврон Файзиев ўз фикрларини билдирди.

"Осон ўйин бўлмаслигини билардик. Учрашувдан олдинги тахминларда кўпчилик 50-50 деб айтганди. Бу ўзини оқлади. Фақат сўнгги дақиқаларда омад кўпроқ биз томонда бўлди. Асосий мақсадимиз ўз дарвозамиздан тўп ўтказмаслик эди.

Бугунги гол осонликча урилмади. Фарғонадаги ўйин сценарийси такрорланди. Ўшанда ҳам сўнгги дақиқаларда гол уриб ютиб кетгандик. Бугунги ғалабани унутиб кейинги баҳсга тайёргарлик кўришни бошлашимиз керак. "Андижон" билан учрашув осон кечмайди, бу аниқ. Ҳар бир жамоа очко олиш ниятида майдонга тушмоқда.

Халқимизни мустақиллик байрами билан табриклайман. Юртимиз тинч, осмонимиз мусаффо бўлсин, - дейди Файзиев.

"Сўғдиёна" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +14