Даврон Файзиев: "Авваллари ҳар бир жамоада юлдуз ҳужумчилар бўларди..."

- Олий лигада ҳозир аввалгидек юлдуз ҳужумчилар йўқ. Мен ўйнаган пайтда чемпионатимиздаги барча жамоаларда юлдуз мақомидаги ҳужумчилар бўларди. "Пахтакор"дан Шквирин, "Нефтчи"да Бозоров, Дўрмонов, "Навбаҳор"да Шацких, Венников, "Андижон"да Ҳамидуллаев, Баҳодир Раҳмонов, Жиззахдан Ералиев, Самарқандда Жабборов, "Насаф"да Зафар Холмуродов сингари юлдуз ҳужумчилар порлаб чиқишган эди. Ҳозирги кунда эса бу каби юлдузлар саноқли.
"Локомотив"да Темурхўжа Абдухолиқовни кўрсатиш мумкин. "Бунёдкор"да Элдор Шомуродов бор. Лекин айни пайтда Элдор ҳам ҳужумчи сифатида ҳаракат қилмаяпти.
Қолган ҳужумчилар ҳаммаси бир хил савияда, деб ўйлайман. Мени назаримда, "Насаф"да яхшироқ ҳужумчилар жамланган.
Азамат Алланиязов, Бобир Абдухолиқов, Илҳом Шомуродов сингари футболчилар ҳозирги кунда бизнинг футболдаги энг яхши ҳужумчилар саналади.

Лекин бошқа жамоаларни олганда, 2-3 йил мобайнида мунтазам 15та гол урадиган ҳужумчи чиқмаяпти. Ўтган йилги мавсумдан мисол, Баҳриддин Ваҳобов қандай порлаб чиққанди? Ҳозир эса аввалги самарадорлик йўқ.
Ҳужумчи муаммоси нафақат "Сўғдиёна"да, балки бошқа кўплаб жамоаларимизда ҳам бу чизиқ вакиллари муаммо бўлиб турибди.