Давид Де Хеа МЮ билан хайрлашди

Бу ҳақда футболчи ўзининг "Инстаграм"даги саҳифасида эълон қилди.

"Ушбу хайрлашув сўзларимни "Манчестер Юнайтед" мухлисларига юбормоқчиман.

Ўтган 12 йиллик муҳаббат учун чексиз миннатдорчилигимни билдирмоқчиман. Сэр Алекс Фергюсон мени клубга олиб келганидан сўнг кўплаб муваффақиятларга эришдик. Дунёнинг энг йирик клуби формасини кийганимдан фахрланаман.

Бу ерга келганимдан бери унутилмас ва муваффақиятли давр бўлди. Мадридни бола сифатида тарк этиб, бундай муваффақиятларга эришамиз деб ўйламагандим.

Ҳозир янги чақирувни қабул қилишнинг айни вақти.

Манчестер доим юрагимда қолади, у мени ҳеч қачон тарк этмайди".