Даррен Флетчер майдонга қайтди

29 ёшли шотландиялик футболчи бу мавсумда биринчи бор расмий ўйинда қатнашди. У охирги марта 2012 йил декабрь ойининг охирларида “Нюкасл”га қарши ўйинда захирадан майдонга тушганди.

“Мен анчадан бери ўйнамаётган эдим, шунинг учун бугун кечаси вазифамга қайтганим яхши бўлди”, - дейди Флетчер жамоа телеканалига берган интервюсида. “Мен бир неча ҳафтадан бери машқ қилаётгандим ва менга яхши имкониятлар яратиб беришди, кейинги ҳаракатим эса ўйин ўтказиш эди”.

“Биз бир тайм ўйнашни, кейин эса ўз ҳолатимни баҳолаш кераклигини режалаштиргандик. Агар ҳаммаси жойида бўлса мен 60 дақиқагача ўйнашим ва майдонни тарк этишим керак эди. Ҳаттоки озгина кўп ҳам ўйнадим, биз шифокарларимизнинг режаларини бузишни хоҳламаган эдик”.

“Бизнинг шифокорларимиз ўз вазифаларини жуда яхши бажаришмоқда, мен шахсан Стив МакНоллига миннатдорчилик билдиришни хоҳлайман. У мен билан жуда яхши ишлади ва ҳар бир аъзойим холатидан хабардор бўлиб борди ва жамоанинг ҳам қўллаб қувватлаши шунчаки фантастика! Мени барча қўллаб қувватлади, сэр Алексдан бошлаб, Девид Гил ҳам, янги мураббийимиз ҳам. Бундан бошқасини хоҳлаб бўлмасди”.

“Албатта, менга осон бўлмаган пайтда ҳар доим ёнимда бўлган ажойиб оилам борлигидан хурсандман. Мен аллақачон таслим бўлиб бўлган пайтимда улар мени қўллаб қувватлашди, ўз имкониятларимни сақлаб қолишимга ва олдинга қараб интилишимга ёрдам беришди ва ўз соғлигимни тиклаб олгунимча кўмаклашишди”.

Даррен Флетчернинг кейинги мақсади эса Уоррен Жойснинг ўринбосарлари жамоасида тўлиқ ўйин ўтказиш.

“Мен шунчаки жамоага қанча керак бўлса шунча ёрдам беришни ва бор кучим билан ишлашни хоҳлайман. Мураббийимизнинг режаларига киришни ва яна асосий таркибда тушишни истайман, лекин мени қайтишим қарорини Девид Мойес қабул қилади. Хозир мен ўринбосарлар жамоасида яна бир қанча ўйинларда иштирок этишни ва 90 дақиқа ҳаракат қилишни хоҳлайман. Агар мен имкониятга эга бўлсам бундан тўлиқ фойдаланиш учун тайёр бўлишим лозим”.

Жавлонбек Юсупов тайёрлади