Дарио Маринович: "Аргентина Бразилиядан кучсиз, сабаби улардаги ўйинчилар даражаси пастроқ"

"Аргентинага қарши қийин, аммо яхши ўйин ўтказдик. Бироқ яхши ўйин ғалаба қозониш учун етарли бўлмади. Биламизки, Аргентина дунёнинг энг кучли жамоаларидан бири ва уларда маҳоратли ўйинчилар кўп. Албатта, рақиб ғалабага лойиқ эди, бироқ жамоадошларимга эътироз билдирмайман, сабаби, қўлимиздан келганча, ҳаракат қилдик. Лекин кейинги босқич масаласида битта учрашув орқали ҳал қилинадиган белашувларда қандай ўйнаш кераклиги борасида кўп ишлашимиз лозим.

Мундиалда Жанубий Американинг икки жамоасига қарши рўбарў келдик. Ўйлашимча, Бразилия Аргентинадан кучлироқ, бироқ уларнинг ўзаро ўйинидан ҳар қандай вазият бўлиши мумкин. Сабаби Аргентина ўта агрессив ўйин намойиш этади, бундай ўйин билан эса Бразилияни бемалол мағлуб этиши ҳам мумкин. Бироқ барибир икки жамоани солиштирганда, Аргентинани билан ўйнаш нисбатан қулайроқ. Чунки, улардаги ўйинчилар даражаси бразилияликларникидан пастроқ.

Ўзбекистондаги турнир фаолиятимдаги илк жаҳон чемпионати эди. Бундай мусобақада иштирок этиш ҳар қандай футзалчининг орзуси бўлса керак. Ўзбекистондан илиқ таассуротлар қолди. Бу мамлакат, бу ердаги одамлар менда яхши таассурот қолдирди", деди Маринович.

Оқил Абдубарноев суҳбатлашди.