Дани Алвес "Барселона"ни клуб афсоналарига муносабати учун танқид қилди

39 ёшли бразилиялик ҳимоячи 2008 йилдан 2016 йилгача ва 2021 йилнинг ноябридан 2022 йилнинг июнигача "кўк-анорранглилар" сафида ўйнаган.

"Жамоани хафа бўлган ҳолда тарк этмайман. "Барселона"га қайтганим учун бахтли ҳолда кетаман. Бундай лаҳзаларни беш йил давомида орзу қилардим. Менга ёқмаган ягона нарса - хайрлашув чоғи қандай кечгани эди.

Келганимдан бери 20 ёшда эмаслигимни ва ҳамма нарса тўғридан-тўғри, яширмасдан бажарилишини хоҳлаётганимни аниқ айтдим. Клуб эса сўнгги йилларда аксинча хато иш қилди. "Барселона" клуб тарихини яратган инсонлар ҳақида қайғурмайди. "Барселона" мухлиси сифатида мен клуб бошқача йўл тутишини истардим. Ўзим ҳақимда гапирмаяпман, чунки менинг вазиятим бошқача сценарий эди. Мени қайтаргани учун Хави ва клуб президентидан чексиз миннатдорман.

"Майдонда ақл бовар қилмайдиган истеъдодга эга ёш футболчилар жамланган клубга ташриф буюргандим. Аммо "Барселона" ўзининг майдондан ташқаридаги фазилатларини яхшилаши керак. Майдонда содир бўлаётган ҳамма нарса ташқарида содир бўлаётган воқеаларнинг аксидир", - деди Алвес.