Цюрихдаги тақдирлаш маросимидан онлайн репортаж!

                                               ЯНГИЛАШ

Тақдирлаш маросимидан уюштирган онлайн трансляциямизни шу ерда якунлаймиз! Доимо соғ ва саломат бўлинг, азиз футбол мухлислари!

- "Олтин тўп-2014" соҳиби - Криштиано Роналдо!

- Йилнинг энг яхши мураббийи немис, энг яхши аёллар мураббийи ҳам немис ва энг яхши аёл футболчи ҳам "немка"! "Олтин тўп" ҳам немис посбонига насиб этармикин???

- Германиянинг "Вольфсбург" клуби гўзали Надин Кесслер ўтган йилнинг энг яхши аёл футболчиси деб тан олинди.

- 2014 йилнинг энг яхши аёл футболчиси - Надин Кесслер ("Вольфсбург")

- Мануэль Нойер саҳнага таклиф этилди ва у ҳақида лавҳа экранда намойиш этилди. Шунингдек, унга бир қатор саволлар ва Пеп Гвардиоланинг Нойер ҳақидаги фикрлари эшиттирилди.

- Йилнинг энг чиройли голи - Хамес Родригез! Колумбия терма жамоаси футболчиси Хамес Родригез Жаҳон чемпионати доирасидаги Уругвай терма жамоаси дарвозасига киритган супер голи Пушкаш совринига муносиб деб топилди.

- Мусиқий танаффус!

- Филипп Лам ва Йоахим Лёв Жаҳон Кубоги билан таклиф этилди.

- Месси саҳнага таклиф этилди ва унга "Барселона" бош мураббийи Луис Энрикенинг у ҳақидаги фикрларини эшиттирилмоқда. Нозик мавзу) Энрике ўз футболчиси борасида албатта илиқ фикрларни айтган экан. Матбуотда эса уларнинг "уриши" ҳақида ёзишдан чарчашмаяпти. Балки ҳаммаси рисоладагидекдир?!

- ФИФА 2014 йилдаги "Ҳалол ўйин" совринини йирик турнирларда ишлайдиган "кўнгиллилар"га топширди.

- Германия терма жамоаси бош мураббийи Йоахим Лёв 2014 йилнинг энг яхши бош мураббийи деб тан олинди!

- Демак! Германиянинг "Вольфсбург" клуби бош мураббийи Ралф Келлерманн 2014 йилнинг Аёллар футболидаги энг яхши мураббий деб тан олинди.

- Энди эса Оттмар Хитцфельд саҳнага таклиф этилди. Ушбу мутахассис Аёллар ўртасидаги энг яхши мураббий номини аниқлашда ёрдам бериши кўзда тутилган.

- Ўз ўрнида Роналдо ҳам Анчелотти ҳақида илиқ фикрларини билдирмоқда.

- Роналдони бошловчи саҳнага таклиф этди ва унга бош мураббийи Карлоо Анчелоттининг Роналдо борасидаги фикрларини эшиттириб ўтди.

- Саҳнага "Олтин тўп"нинг амалдаги соҳиби Криштиано Роналдо таклиф этилди.

- Шу ўринда Хироши Кагава ҳам сўзга чиқиб, бутун футбол жамоатчилиги ва шахсан Йозеф Блаттерга ўз миннатдорчилигини билдириб ўтди.

- ФИФА президенти Йозеф Блаттер Япониялик фахрий журналист Хироши Кагавага бир неча йиллик хизматлари учун "ФИФА президенти" совринини топширди.

- ФИФА президенти Йозеф Блаттер сўзга чиқди.

2014 йилнинг рамзий терма жамоаси:

- Лео Месси фаолиятидаги энг эсда қолган голи деб ЕЧЛ финалидаги МЮ дарвозасига киритган голини айтиб ўтди. Арьен Роббен ҳам ЕЧЛ финалида "Боруссия Д" дарвозасига киритган голини эслаб ўтди.

- Демак, бошладик. Дарвозада: Нойер! Ҳимоячилар: Филипп Лам, Серхио Рамос, Давид Луиз, Тиаго Сильва. Энди ярим ҳимоячилар номи аниқланади. Анхель Ди Мария, Тони Кроос, Андреас Иньеста. Ҳужум чизиғидан эса Лионель Месси, Арьен Роббен ва Криштиано Роналдо ўрин олди.

- Йўқ, аввал йилнинг рамзий терма жамоаси аниқланадиган бўлди.

- Йилнинг энг чиройли голи аниқланмоқда....

- Саҳнага Роналдо, Нойер, Месси ва бошқа меҳмонлар таклиф этилди.

22:30. "Sky" телеканалининг гўзал бошловчиси Кэйт Абду маросим очиқ деб эъон қилиб берди.

22:29. ФИФА президенти Йозеф Блаттер кириб келмоқда.

22:28. Бугун шунингдек яна бир қатор номинацияларда ғолиблар номи ойдинлашади. Йилнинг энг яши мураббийси, энг чиройли гол, йилнинг рамзий терма жамоасидан ўрин олган футболчилар номи...

22:24. Хозирча маросим бошланганича йўқ. "Олтин тўп-2014" борасидаги ўзимнинг шахсий фикрим: "Нойер ушбу совринни олишга тўла ҳақли. Унинг ўтган йилдаги терма жамоа ва клублар миқиёсидаги кўрсатдан юқори сифатли ўйини ва ЖЧда "немис машинаси"ни қийин паллада жонига оро киргани ҳам фикримга тасдиқ бўла олади. Лекин ушбу совринни ютиш имконияти кўпроқ Роналдо томонда. Бу ерда тизим бироз ғалатироқ. Шу боис яқин йиллар ичида Роналдо ва Мессига рақобат кўрсатишнинг деярли иложиси йўқ". Менимча, Роналдо совринни "илиб" кетади.

Футбол шахсларининг "Олтин тўп-2014" борасидаги танловлари...

22:18. Клавиатурани "тақиллатиб", онлайн репортажни сизларга тақдим этаётган камина Шаҳбоз Беғамов бўлади.

22:17. Ҳозирча "Twitter" орқали суратлар билан маросим бошланиши онлайн кузатиб боряпмиз. Яқин дақиқалар ичида жонли эфир бошланади. 

"Олтин тўп"га даъвогар посбон, Жаҳоннинг тўрт карра энг кучли футболчиси ва "Олтин тўп"ни учинчи бор қўлга киритишни орзу қилаётган Роналдо...

"Олтин тўп"га даъвогар "трио": Жаҳон чемпиони, Месси, Клублар ўртасидаги мундиал ғолиби...

- Ушбу маросимни "Спорт" телеканали 22:30дан бошлаб жонли эфирда кўрсатиши ҳақида бироз аввал хабар берган эдик.

Роналдонинг 2014 йилдаги кўрсаткичи: Терма жамоа ва клуб сафида умумий ҳисобда 61 бор гол урди.

"Бавария" футболчилари Роббен ҳамда Нойер. Бугун бу футболчилар Доҳадан Цюрих тарафга қараб парвоз қилишди. Мануэль Нойер Лев Яшиндан кейинги "Олтин тўп" соврини ютган иккинчи дарвозабон бўлиш учун имкониятни сақлаб турибди.

22:02. Бундан бир неча соат аввал Россиянинг "Rsport.ru" нашрининг таъкидлашича, Роналдонинг овоз тўплаш борасида ўз рақобатчиларидан анча илгарилаб кетган ва португалиялик футболчи "Олтин тўп-2014" соҳибига айланиши аниқ бўлиб улгурган. Буни эса яна бир неча дақиқалардан сўнг расман аниқлаб оламиз.

Ажойиб футболчи Алессандро Дель Пьеро Мануэль Нойер билан суратга тушишди

Собиқ жамоадошлар: Месси ва Тьери Анри "салом-алик" қилишмоқда

Маросимнинг энг асосий иштирокчилари. Роналдо, Нойер ва Месси маросим олдидан суратга тушишди.

21:55. Тақдимот маросимига таклиф этилган меҳмонлар манзилга етиб келишган.

- Цюрихда бўлиб ўтадиган 2014 йилнинг энг яхшиларини тақдирлаш маросими яна бир неча дақиқалар сўнг бошланади.