"Чуст-Пахтакор"да янги мураббий иш бошлаш арафасида
22 фев 2014 11:00
Новости

"Чуст-Пахтакор"да янги мураббий иш бошлаш арафасида

Ўтган йили биринчи лигада кўпчиликда илиқ таассурот қолдирган "Чуст-Пахтакор" бу йилги мавсумга ҳам астойдил тайёргарлик кўрмоқда.

Клуб раҳбари Фаҳриддин Нажмиддиновнинг "СА"га хабар беришича жамоа аъзолари эртадан навбатдаги йиғинга киришади. Қуръа натижаларига кўра, "Чуст-Пахтакор" чемпионатни сафарда бошлайди.

Жумладан дастлаб "Қўқон-1912" билан куч синашса, кейинги тур Андижонда "ЎзДонгЖу" меҳмони бўлади.

Айтганча ўтган йили биринчи даврадан кейин бош мураббий Роберт Гай "Навбаҳор"га ўтиб кетгач унинг ўрнига Хайрулло Абдиев олиб келинганди. Маълум бўлишича Абдиев ҳам чустликлар билан хайрлашган. Шу боис жамоа раҳбарлари бу йил бошқарув постига янги номзодларни кўриб чиқмоқда. Олинган маълумотларга кўра, катта эҳтимол билан "Чуст-Пахтакор"ни бу йил Виталий Легай бошқаради. Андижонлик мураббий бунгача Эдгар Гесс ва Александр Аверьянов сингари таниқли мураббийларга яқиндан ёрдамлашган. Эндиликда у мустақил равишда ишлаш имкониятига эга бўлиб турибди.

Ссылка :

Источник : championat.asia

Получайте новости прямо в Telegram!

Рейтинг: