Чемпионликни эрта нишонлаганлар – “Аякс”, “Бавария”, “Фенербахче”... (ФОТО)

Жумладан, Туркияда Истанбулнинг “Фенербахче” клуби ўз тарихида 19-бор чемпионлик шохсупасига кўтарилган бўлса, Амстердаммнинг “Аякс” клуби қаторасига тўртинчи маротаба Голландия чемпиони бўлди.

Қуйида Европада чемпионликни эрта нишонлаган клубларга аталган фото лавҳа билан танишасиз.

 

"Бавария" ўзининг Бундеслигадаги 25-чемпионлигини Пеп Гвардиола бошчилигида қўлга киритди

Ўтган мавсум Европа Лигаси финалини, мамлакат чемпионлиги ва кубогини бой берган "Бенфика" бу йил муддатидан аввал Португалия чемпиони бўлди. Лиссабонликлар сўнгги бор 2009/10 йилги мавсумда чемпионлик шаробини тотиб кўришганди

Амстердаммнинг "Аякс" клуби Франк де Бур бош мураббийлигида қаторасига тўртинчи бор Голландия чемпионига айланди

"Фенербахче" асосий рақиби "Галатасарой"ни 10 очкога ортда қолдирди, Эммануэль Эменике эса 12 та гол урди

"Олимпиакос" ўз тарихида 40-бор Греция чемпиони бўлди. Бу йилги юбилей чемпионлик кийиниш хонасида нишонланди

Асосий рақиби "Рейнжерс"нинг йўқлигидан "Селтик" роса унумли фойдаланяпти, содда қилиб айтганда, яйраяпти

"Ред Булл" (Зальцбург) чемпионат якунланишига бир тур қолганида Австрия чемпиони бўлди, Хонатан Сориано эса мавсумда 30 гол киритди

Тель-Авивнинг "Маккаби" клуби Исроил чемпиони бўлди ва янги мавсумда ЕЧЛда иштирок этади

ФИФА томонидан дисквалификация қилинган Йосип Шимуничнинг "Динамо" (Загреб) клуби Хорватия чемпиони бўлди. Темурхўжа Абдухолиқов тўп тепаётган "Хайдук" жамоаси эса 2-ўрин учун курашяпти

 "Слован" Словакия чемпиони бўлди. Братислава кўчаларида чемпионлик паради