"Челси" Почеттино билан яна бир учрашув ўтказди

"Тоттенхэм" ва ПСЖ жамоалари собиқ мураббийи Маурисио Почеттино "Челси"га тобора яқин келмоқда.

Манбанинг хабарига кўра, "кўклар" ва аргентиналик охирги деталларни муҳокама қилишмоқда. Қайд этилишича, барчаси яхши руҳда кетмоқда. Душанба куни Испанияда томонларнинг яна бир учрашуви бўлиб ўтди ва унда лойиҳанинг истиқболлари муҳокама қилинган.

Томонлар тўлиқ келишув жуда яқин вақт ичида амалга ошишига ишонмоқда.

Аввалроқ, Sky Sports ҳам Почеттино янги мавсумни қаерда бошлаши аниқлиги ҳақида хабар берганди.