"Челси" дунёдаги энг қиммат дарвозабоннинг агенти билан музокараларни бошлади
28 июл 2020 10:20
Новости

"Челси" дунёдаги энг қиммат дарвозабоннинг агенти билан музокараларни бошлади

"Челси" "Атлетико" дарвозабони Ян Облакни харид қилмоқчи.

"Кўклар" 27 ёшли словениялик посбоннинг агенти билан музокараларга киришган, бу ҳақда журналист Николо Скира хабар бермоқда.

Лондон клуби Облакни шу ёзда Ла Лигага кетиши мумкин бўлган Кепа Аррисабалаганинг ўрнига харид қилмоқчи.

"Челси" Облакнинг трансферини амалга ошира олмаган тақдирда, "Аякс" дарвозабони Андре Онана учун ҳаракат қилиб кўради. Онана Облакдан кўра арзонроққа тушади.

Эслатиб ўтамиз, Ян Облак дунёнинг энг қиммат дарвозабони ҳисобланади. Футболчининг "Атлетико" билан тузган шартномаси 2023 йилнинг июнига қадар мўлжалланган.