Цейтлин бошқарган ўйинларда "Насаф" ўтган йил фақат ютган

24 апрель (якшанба)
ҚЎҚОН-1912 - ҚИЗИЛҚУМ
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Д. Акмалов (Тошкент)
Назоратчи: А. Попов (Тошкент).
ЎзПФЛ вакили: В. Леткин.

"Қўқон-1912" - "Қизилқум" учрашувини андижонлик Темур Тўхтасинов бошқаради. Бу ҳакам 2015 йил мазкур жуфтликдаги жамоаларнинг жами учта ўйинини бошқарган. Қизиғи, ҳар уччала беллашув ҳам 2:1 ҳисобида якунланган. Яъни, икки ўйинда мезбонлар 2:1 ҳисобида, бир беллашувда меҳмонлар 1:2 ҳисобида ғалаба нашидасини сурган.

2015 йил. "Қўқон-1912" жамоаси иштирокидаги учрашувлар
СЎҒДИЁНА - ҚЎҚОН-1912 - 2:1
ҚЎҚОН-1912 - МЕТАЛЛУРГ - 2:1

"Қизилқум" жамоаси иштирокидаги учрашув
 БУХОРО - ҚИЗИЛҚУМ - 1:2

БУХОРО - НАСАФ
Ҳакамлар: В. Цейтлин (Тошкент), А. Усмонов (Тошкент), А. Сидоров (Тошкент), И. Ибрагимов (Нукус)
Назоратчи: Ф. Абдуллаев (Тошкент).
ЎзПФЛ вакили: А. Фролов.

Турнинг марказий ўйинларидан бири Бухорода бўлиб ўтади. Тажрибали ҳакам Владислав Цейтлин бошқариб борадиган беллашув қизиқарли кечишига шубҳа йўқ. Аҳамиятлиси, "Бухоро" 2015 йил Цейтлин бошқарган ўйинда ўз уйида "Металлург"га имкониятни бой берган - 0:3. "Насаф" эса, аксинча, 4та баҳснинг барчасида ғалаба нашидасини сурган.

2015 йил. "Бухоро" жамоаси иштирокидаги учрашув
БУХОРО - МЕТАЛЛУРГ - 0:3

"Насаф" жамоаси иштирокидаги учрашувлар
НАСАФ - ЛОКОМОТИВ - 2:1
НАСАФ - МАШЪАЛ - 3:0
ҚЎҚОН-1912 - НАСАФ - 1:3
СЎҒДИЁНА - НАСАФ - 1:2
 
ОЛМАЛИҚ - НАВБАҲОР
Ҳакамлар: В. Серазетдинов (Тошкент), М. Саидқосимов (Тошкент), А. Калинин (Қарши), К. Расулов (Қарши)
Назоратчи: Ғ. Каримов (Тошкент).
ЎзПФЛ вакили: Ш. Ражабов.

Виктор Серазетдинов ҳакамлик қиладиган "Олмалиқ" - "Навбаҳор" баҳси ҳам қизиқарли кечишига шубҳа йўқ. Серазетдинов 2015 йил "Олмалиқ" учун омадсиз ҳакамга айланган. Игорь Шквирин жамоаси Серазетдинов ҳакамлик қилган икки ўйинни ўз уйида ўтказиб, ғалаба қозона олмаган. "Навбаҳор" эса, сафарда "Пахтакор"га ютқазган.

2015 йил. "Олмалиқ" жамоаси иштирокидаги учрашувлар
ОЛМАЛИҚ - ЛОКОМОТИВ - 2:2
ОЛМАЛИҚ - МАШЪАЛ - 1:3

"Навбаҳор" жамоаси иштирокидаги учрашув
 ПАХТАКОР - НАВБАҲОР - 1:0

ШЎРТАН - ЛОКОМОТИВ
Ҳакамлар: И. Танташев (Бухоро), Р. Серазетдинов (Тошкент), Т. Гайнулин (Тошкент), Ш. Ражабов (Бухоро)
Назоратчи: Х. Мухтаров (Самарқанд).
ЎзПФЛ вакили: Г. Ртвеладзе.

Омадсизлик қуршовига тушиб қолган "Шўртан" мазкур турда "Локомотив" билан куч синашади. Танташев бошқарадиган ўйин қайси жамоага ғалаба тақдим қилишини учрашув якунланганидан кейин билиб оламиз. Зеро, жамоалар ўтган йили мазкур ҳакам бошқарган беллашувларда ғалаба қозона олган.

2015 йил. "Шўртан" иштирокидаги учрашув
ШЎРТАН - МАШЪАЛ - 1:0

"Локомотив" иштирокидаги учрашувлар
ЛОКОМОТИВ - АНДИЖОН - 2:0
АНДИЖОН - ЛОКОМОТИВ - 1:2

Фурқатбек Нишонов