"CAFA Nations Cup-2023". Бугун Ўзбекистон МТЖ Тожикистонга қарши ўйин ўтказади
17 июн 2023 08:25
Новости

"CAFA Nations Cup-2023". Бугун Ўзбекистон МТЖ Тожикистонга қарши ўйин ўтказади

Бугун Ўзбекистон терма жамоаси "CAFA Nations Cup-2023" турнири гуруҳ босқичи доирасидаги сўнгги ўйинини ўтказади.

Мазкур баҳсда терма жамоамизга Тожикистон вакиллари рақиблик қилишади.

Ўйин соат 20:30да "Бунёдкор" стадионида бошланади.

Эслатиб ўтамиз, бунгача терма жамоамиз Ўмонни 3:0, Туркманистонни 2:0 ҳисобларида мағлубиятга учратиб, гуруҳ ғолиблигини қўлга киритганди.

Қайд этиш лозимки, вакилларимиз бугунги учрашув натижасидан қатъи назар мусобақа ғолиблиги учун ўйинни 20 июнь куни "Б" гуруҳи ғолиби Эронга қарши ўтказишади.