"CA" вакиллари Мельбурн шаҳрида

Мағлубият барчага жуда ёмон таъсир қилгани турган гап. Лекин гуруҳдан чиқиш имкони сақланиб турибди. 18 январь куни бизни Саудия Арабистонига қарши ҳал қилувчи ўйин кутиб турибди.

Гуруҳдаги учинчи баҳс Мельбурн шаҳрида бўлиб ўтади. Шу сабабли, бугун сайтимиз ходимлари, мухлислар биргаликда Брисбен вақти билан соат 9:45да Мельбурн шаҳрига қараб учдик. 

Икки соатдан ортиқ парвоз қилган "Tigerair" авиакомпаниясига тегишли самолёт Мельбурн шаҳрига келиб қўнди. Бу шаҳарда Сидней ва Брисбенга қараганда анчагина салқин ҳаво ҳукмрон экан. 20 даража иссиқ, совуқ шамол эсиб турибди. 

Мельбурн вақти худди Сиднейники каби Тошкентдан 6 соат фарқ қилади. Яъни 18 январдаги баҳс маҳаллий вақт билан соат 20:00да бошланади. Бу вақтда Тошкентда 14:00 бўлади. 

Эртадан "AAMI Park" стадионидаги медиа марказда иш бошлаймиз. Осиё Кубогининг энг сўнгги янгиликларини сизларга етказиб турамиз.

Нарзулла Сайдуллаев

Мельбурн шаҳридан