Бухоро вилояти ҳокими ўтказган йиғилишда "Бухоро" клуби бош директори ўзгарди

Йиғилишни Бухоро вилояти ҳокими Ўктам Барноев ўтказди. Кун тартибидан бир қатор масалалар ўрин олди. Хусусан янги мавсум олдидан жамоанинг тайёргарлигини кучайтириш ва янада курашчан таркибни шакллантириш борасида сўз борди. Йиғилиш чоғида "Бухоро" футбол клуби бош директорида ўзгариш юз бергани маълум қилинди. Бунгача ушбу лавозимда фаолият юритиб келган Амрилло Нажмиддинов истеъфога чиқди. Эндиликда бош директор сифатида Акбар Фозилов иш олиб борадиган бўлди.