"Бухоро" кетма-кет бешта ўйинда ютқазган "Нефтчи"дан кейинги иккинчи жамоа

Жамоа мана беш турдирки фақат мағлубиятга учради ва ҳатто дуранг ҳам қайд эта олмади. Бухороликлар охирги марта 20-турда "Металлург"ни 2:1 ҳисобида мағлуб этишганди. Шундан бери жамоа "Навбаҳор", "Бунёдкор", "Пахтакор" ва икки бор "Локомотив"га қарши ўйнаб фақат мағлубиятга учради.

Статистикага мурожаат қиладиган бўлсак, Суперлигада бунгача қаторасига бешта ўйинда фақат "Нефтчи" ютқазганди. Бу 3-7 турлар оралиғида рўй берган. Кейинчалик эса икки бор дуранг қайд этди. 

"Нефтчи"нинг кетма-кет 5та мағлубияти

3-тур. "Нефтчи" - "Бунёдкор" 0:1
4-тур. "Пахтакор" - "Нефтчи" 3:0
5-тур. "Нефтчи" - АГМК 1:3
6-тур. "Нефтчи" - "Бухоро" 0:1
7-тур. "Қизилқум" - "Нефтчи" 1:0

Мана энди "Бухоро" ҳам қаторасига бешта учрашувда мағлубиятга учради. "Нефтчи" кетма-кет бешта ютқазганида тўплар нисбати 1-9 бўлганди. "Бухоро"да эса бу кўрсаткич 2-11ни ташкил этди.  

"Бухоро"нинг кетма-кет 5та мағлубияти

21-тур. "Навбаҳор" - "Бухоро" 2:0
22-тур. "Бухоро" - "Локомотив" 0:1
23-тур. "Бунёдкор" - "Бухоро" 3:0
24-тур. "Пахтакор" - "Бухоро" 2:1
25-тур. "Бухоро" - "Локомотив" 1:3