"Бухоро" икки трансферни амалга оширди

Гап Ҳумоюнмирзо Иминов ҳамда Аббос Отахонов ҳақида бормоқда.

"Ўтган мавсумнинг иккинчи даврадасидан жамоа сафига қўшилган "Пахтакор" тарбияланувчиси бўлмиш Ҳумоюнмирзо Иминов янги мавсумни "Бухоро" жамоасида ўтказади. Маҳоратли ярим ҳимоячи ўтган мавсум 12 та учрашувда майдонга тушиб, 2 та гол уришга муваффақ бўлди ва албатта ўйин услуби билан мухлислар қалбидан жой олди.

Шунингдек, "Бухоро" тажрибали ҳимоячи Аббос Отахонов билан ҳам шартнома имзолади. Ўтган мавсум "Металлург" сафида тўп тепган Отахонов жами 15 та учрашувда иштирок этиб, 1 та гол уришга эришди", – дейилади жамоа матбуот хизмати берган хабарда.

Эслатиб ўтамиз, "Бухоро" кеча Тошкентда йиғинга киришган эди.